मास्क घाला नाहीतर झाडू मारा! मुंबईत नियम तोडणाऱ्यांना अनोखी शिक्षा
मास्क न वापरणाऱ्या व्यक्तींवर 200 रुपये दंडात्मक कारवाई आणि दंडाची रक्कम न भरल्यास त्या व्यक्तीच्या हातात झाडू देण्यात येतो.
मुंबईत कोरोना रुग्ण वाढण्याच्या संख्येत घट झाल्यानंतर आता या जीवघेण्या संसर्गाचा धोका आणखी कमी करण्यासाठी कडक पाऊलं उचलली जात आहे. मास्क न घालणाऱ्यांना आता अनोखी शिक्षा देण्यात येणार आहे.
जे मास्क न घालता घराबाहेर पडतात अशा व्यक्तींना झाडू मारण्याची शिक्षा देण्यात येत आहे.
त्यामुळे आता मास्क वापरला नाही तर तुम्हालाही रस्ता स्वच्छ करावा लागणार आहे.
पश्चिम उपनगरचे महापालिका अतिरिक्त आयुक्त सुरेश काकाणी यांची अभिनव संकल्पना राबवली आहे.
पश्चिम विभागाचे सहायक आयुक्त विश्वास मोटे यांनी गेले 7 दिवस ही संकल्पना राबवण्यास सुरूवात केली आहे.
अंधेरी पश्चिम रेल्वे स्टेशन परिसर तसंच JVPD स्कीम इथं कारवाई मोहिम राबवण्यात येत आहे.
मास्क न वापरणाऱ्या व्यक्तींवर 200 रुपये दंडात्मक कारवाई आणि दंडाची रक्कम न भरल्यास त्या व्यक्तीच्या हातात झाडू देण्यात येतो.
महापालिका अधिकाऱ्यांच्या उपस्थितीत त्या व्यक्तीला 1 तास झाडूने रस्ता स्वच्छ करावा लागतो.
सहायक आयुक्त विश्वास मोटे यांच्या मार्गदर्शनाखाली सुरू असलेल्या ह्या मोहिमेत घनकचरा विभागाचे 25 कनिष्ठ पर्यवेक्षक आणि दंडात्मक कारवाई करणारे 30 मार्शल सहभागी आहेत.
