फिर एक बार नितीश कुमार…रामदास आठवलेंच्या नितीश कुमारांना खास स्टाईलमध्ये शुभेच्छा

मुंबई: केंद्रीय सामाजिक न्याय राज्यमंत्री रामदास आठवले यांनी त्यांच्या खास स्टाईलमध्ये बिहारचे नवनिर्वाचित मुख्यमंत्री नितीश कुमार यांना शुभेच्छा दिल्या आहेत.”फिर एक बार नितीश कुमार..” असं म्हणत आठवले यांनी नितीशकुमार यांना नव्या कार्यकाळासाठी शुभेच्छा देत अभिनंदन केलं आहे. रामदास आठवले यांनी नितीश कुमार यांना फोन करुन शुभेच्छा दिल्याची माहिती त्यांच्या ट्विटर अकाऊंटवरुन दिली आहे. (Ramdas Athawale congratulate Nitish Kumar for taking Oath as Chief Minister of Bihar)

रामदास आठवलेंचा आरपीआय (अ) आणि नितीशकुमार यांचा जदयू एनडीएमध्ये एकत्र आहेत. रामदास आठवले यांनी नितीश कुमार यांचं अभिनंदन करताना बिहारच्या वेगवान विकासाची अपेक्षा व्यक्त केली आहे.”मुख्यमंत्री नितीश कुमार यांच्या नेतृत्वात बिहारचा विकास आणखी वेगवान होईल, असा विश्वास व्यक्त केला. बिहारमध्ये एनडीएची सत्ता आल्यामुळे भाजपसह मित्रपक्षांच्या आनंदाला उधाण आलं आहे.

जेडीयूचे नेते नितीश कुमार यांनी आज बिहारच्या मुख्यमंत्रिपदाची सातव्यांदा सूत्रे स्वीकारली. राज्यपाल फागू चौहान यांनी त्यांना पद आणि गोपनीयतेची शपथ दिली. त्यांच्यासोबत तारकिशोर प्रसाद आणि रेणू देवी यांनी उपमुख्यमंत्रिपदाची शपथ घेतली. यावेळी भाजपचे अध्यक्ष जे. पी. नड्डा, केंद्रीय गृहमंत्री अमित शहा आणि बिहार भाजपचे प्रभारी देवेंद्र फडणवीसही उपस्थित होते.

नितीशकुमार यांच्यासह जेडीयूकडून विजय कुमार चौधरी, विजेंद्र प्रसाद यादव, अशोक चौधरी, मेवालाल चौधरी आणि शीला कुमारी, भाजपकडून तारकिशोर प्रसाद, रेणू देवी, अमरेंद्र प्रतापसिंह, मंगल पाण्डेय, रामसूरत राय, रामप्रीत पासवान, जीवेश मिश्रा आणि ‘हम’कडून संतोष कुमाल सुमन तसेच मुकेश सहानी यांनी पद आणि गोपनीयतेची शपथ घेतली.

10 नोव्हेंबर रोजी बिहार निवडणुकीचा निकाल लागला होता. या निवडणुकीत राजदला सर्वाधिक म्हणजे 75 तर भाजपला 74 जागा मिळाल्या होत्या. एनडीएला बिहार निवडणुकीत बहुमत मिळाल्याने अखेर नितीश कुमार यांनी राज्यपालांना भेटून सत्ता स्थापनेचा दावा केला होता. त्यानुसार आज नितीश कुमार यांनी त्यांच्या सहकाऱ्यांसह राजभवनात पद आणि गोपनीयतेची शपथ घेतली.

बिहारमधील पक्षीय बलाबल

भाजप – 74
जेडीयू – 43
आरजेडी – 75
काँग्रेस – 19
एमआयएम – 05
CPI (ML) – 12
CPI (अन्य) – 4
हिंदुस्तान आवाम मोर्चा – 04
विकासशील इन्सान पार्टी – 04
अपक्ष/इतर – 03
एकूण – 243

संबंधित बातम्या :

“धार्मिक स्थळं खुली करण्याचा निर्णय म्हणजे राज्य सरकारला उशिरा सुचलेले शहाणपण”: रामदास आठवले

बिहारमध्ये पुन्हा नितीश’राज’!; नितीश कुमार यांनी घेतली मुख्यमंत्रिपदाची शपथ

(Ramdas Athawale congratulate Nitish Kumar for taking Oath as Chief Minister of Bihar)