Corona : वापरलेले मास्क धुवून पुन्हा विक्रीसाठी, 50 लाखाचा बोगस N-95 मास्कचा साठा जप्त

मुंबई : विरारमध्ये बोगस N-95 मास्कचा मोठा (Virar Bogus N-35 Mask) साठा जप्त करण्यात आला आहे. 50 लाख पेक्षा जास्त किमतीचा साठा यावेळी पोलिसांनी जप्त केला. धक्कादायक म्हणजे हे मास्क वापरलेले असून ते वापरलेले मास्क धुवून पुन्हा विक्रीसाठी आणले (Virar Bogus N-35 Mask) जाणार होते.

विरारमध्ये जप्त करण्यात आलेले हे बोगस N-95 मास्क वापरलेले होते. वापरलेल्या मास्कला धुवून, ईस्त्री करुन, तेच पुन्हा विक्रीसाठी आणले जात होते. विरार पूर्व गडगापाडा परिसरातील एका घरात या बोगस N-95 मास्कचे रॅकेट कार्यरत होते. पालघर स्थानिक गुन्हे शाखेच्या वसई युनिटने ही कारवाही केली आहे. यावेळी पोलिसांनी 50 लाखपेक्षा जास्त किमतीच्या मास्कचा साठा जप्त केला आहे.

VIDEO : Corona | कोरोनाला हरवणारे सांगलीचे खरे ‘हिरो’!https://t.co/AeXX9xrsEP

— TV9 Marathi (@TV9Marathi) April 13, 2020

राज्यात कोरोनाचा विळखा दिवसेंदिवस वाढतच आहे. राज्यात कोरोनाच्या रुग्णांमध्ये सतत वाढ होत आहे. तर कोरोनाबळींची संख्याही दिवसागणिक वाढत आहे. या कोरोनापासून बचावासाठी तोंडावर मास्क घालणे, वारंवार हात स्वच्छ करण्यास सांगण्यात आलं आहे. त्यामुळे मास्क आणि सानिटायझरच्या मागणीत मोठ्या प्रामाणात वाढ झाली आहे. मात्र, मागणीत वाढ झाल्याने यासंबंधातील गुन्ह्यांमध्येही (Virar Bogus N-35 Mask) वाढ झाली आहे.

राज्यात कोरोनाबाधितांचा आकडा 2 हजार पार

राज्यातील कोरोनाबाधितांच्या आकड्याने 2 हजारचा टप्पा ओलांडला (Maharashtra Corona Virus Update) आहे. राज्यात आज (13 एप्रिल) 82 कोरोना रुग्ण वाढले आहेत. यात मुंबई, पुणे, ठाणे, वसई विरारमधील कोरोना रुग्णांचा समावेश आहे. त्यामुळे राज्यातील कोरोनाबाधितांची संख्या 1 हजार 982 वरुन 2 हजार 064 वर पोहोचला आहे.

राज्यात कुठे किती नवे रुग्ण?

मुंबई – 59 पुणे – 3 मालेगाव – 12 ठाणे – 5 वसई विरार – 1 पालघर – 2 नवी मुंबई -11

देशात कोरोना विषाणूच्या संसर्गाचा सर्वाधिक फटका बसलेलं ठिकाण म्हणजे देशाची आर्थिक राजधानी मुंबई. एकट्या मुंबईत आतापर्यंत 1357 कोरोना रुग्णांची नोंद झाली आहे. यापैकी 92 जणांचा मृत्यू झाला आहे. काल मुंबईत आत्तापर्यंतची सर्वाधिक 16 कोरोना रुग्णांच्या मृत्यूची नोंद झाली आहे. तसेच 217 नवीन कोरोना रुग्णांची नोंद झाली (Maharashtra Corona Virus Update)आहे.

Virar Bogus N-35 Mask

आतापर्यंतची अपडेट आकडेवारी