झिशान सिद्दीकी तातडीने सागर बंगल्यावर; उपमुख्यमंत्री देवेंद्र फडणवीस यांची घेतली भेट, वडीलांच्या हत्येनंतर केली ही मोठी मागणी
Zishan Siddiqui- Devendra Fadnavis : माजी मंत्री बाबा सिद्दीकी यांच्या हत्येनंतर आज त्यांचा मुलगा आणि आमदार झिशान सिद्दीकी हा सागर बंगल्यावर दाखल झाला. त्याने उपमुख्यमंत्री देवेंद्र फडणवीस यांची भेट घेतली. वडीलांच्या हत्येनंतर त्याने मोठी मागणी केल्याचे समोर येत आहे. सलमान खान यांचा खास मित्र म्हणून सिद्दीकी यांची हत्या केल्याचा दावा बिश्नोई गँगने केला आहे.
माजी मंत्री आणि काही दिवसांपूर्वी अजित पवार गटात दाखल झालेले बाबा सिद्दीकी यांची मुंबईत हत्या झाली. लॉरेन्स बिश्नोई गँगने ही हत्या केल्याचा दावा समाज माध्यमांवर करण्यात येत आहे. पोलिसांनी मोठ्या शिताफीने प्रकरणातील काही आरोपींची धरपकड केली आहे. त्यात संशयाची सुई लॉरेन्स बिश्नोई गँगकडे जात आहे. बाबा सिद्दीकी यांच्या हत्येनंतर आज त्यांचा मुलगा आणि आमदार झिशान सिद्दीकी हा सागर बंगल्यावर दाखल झाला. त्याने उपमुख्यमंत्री देवेंद्र फडणवीस यांची भेट घेतली. वडीलांच्या हत्येनंतर त्याने मोठी मागणी केल्याचे समोर येत आहे.
सागर बंगल्यावर मोठी घडामोड
थोड्या वेळापूर्वी बाबा सिद्दीकी यांचा मुलगा आणि आमदार झिशान सिद्दीकी हा सागर बंगल्यावर दाखल झाला आहे. उपमुख्यमंत्री देवेंद्र फडणवीस यांची तो भेट घेणार आहे. तर त्याचवेळी कुडाळ विधानसभा मतदारसंघाच्या दाव्यासाठी राणे सुद्धा सागर बंगल्यावर दाखल झाले आहेत. आताच्या वृत्तानुसार, अजितदादा पवार, प्रफुल्ल पटेल हे पण फडणवीस यांच्या भेटीला आले आहेत. त्यामुळे या सर्वच प्रकरणासह वेगवान राजकीय घडामोड घडताना दिसत आहे.
आम्हाला न्याय हवा
झिशान सिद्दीकी आणि देवेंद्र फडणवीस यांच्यातील भेटीत, बाबा सिद्दीकी यांच्या हत्येसंबंधीच्या तपासाची इत्यंभूत माहिती देण्यात आल्याचे समोर येत आहे. या प्रकरणाची धागेदोर कुठंपर्यंत आहेत, याविषयी उहापोह झाल्याचे समजते. दरम्यान झिशान यांनी याप्रकरणात न्याय देण्याची विनंती केल्याची माहिती समोर येत आहे. सलमान खानचे जवळचे मित्र असल्याने बाबा सिद्दीकी यांची हत्या केल्याचा दावा बिश्नोई गँगशी संबंधित काही जणांनी समाज माध्यमांवर केला आहे.
सलमान खान गोळीबार प्रकरणात आरोपपत्र
सलमान खान गोळीबार प्रकरणी नवी मुंबई पोलिसांनी आरोप पत्र दाखल केले आहे. त्यानुसार, फेब्रुवारी महिन्यात अभिनेता सलमान खानच्या पनवेल येथील फार्महाऊसवर इतरांसह रेकी केल्याच्या आरोपावरून नवी मुंबई पोलिसांनी गुरुवारी हरियाणातील एका व्यक्तीला अटक केली होती. अटक करण्यात आलेल्या आरोपीचे नाव सुखबीर बलबीर सिंग उर्फ सुखा असे आहे, तो शस्त्रास्त्र पुरवठादार होता आणि तो शस्त्रे घेण्यासाठी पाकिस्तानस्थित डोगर या व्यक्तीच्या संपर्कात होता.
सुखा पानिपतमधील एका हॉटेलमध्ये लपला होता आणि त्याने केस आणि दाढी वाढवून आपला लूक बदलला होता. पनवेल रेकी ऑपरेशनमध्ये १६-१७ जणांचा सहभाग होता, त्यापैकी ४ जण जूनमध्ये अटक करण्यात आली होती. नवी मुंबई पोलिसांनी दाखल केलेल्या आरोपपत्रात असे म्हटले होते की, आरोपींना 25 लाख रुपये देण्याचे आश्वासन दिले होते आणि पाकिस्तानकडून शस्त्रे आणायची होती.
आरोपपत्रात म्हटले आहे की बिश्नोई टोळीने चित्रपटाच्या चित्रीकरणादरम्यान किंवा अभिनेता त्याचे पनवेल फार्महाऊस सोडत असताना खून करण्यासाठी 25 लाख रुपयांचा करार जारी केला होता. ही योजना ऑगस्ट 2023 ते एप्रिल 2024 या कालावधीत रचण्यात आली होती. या टोळीने पाकिस्तानकडून AK-47, AK-92, M16 रायफल्स आणि तुर्की बनावटीची झिगाना पिस्तूल यासह प्रगत शस्त्रे मिळविण्याची योजना आखली होती. या टोळीने बिश्नोईचा भाऊ अनमोल बिश्नोई, गोल्डी ब्रार, कश्यप, भाटिया, चीना आणि जावेद खान यांच्यासह १५-१६ सदस्यांसह व्हॉट्सॲप ग्रुपद्वारे संवाद साधला. सुखा आणि डोगर हे पाकिस्तानचे आहेत, जिथे ते शस्त्रास्त्रांचा पुरवठा करणारे म्हणून काम करतात, असा दावा आरोपपत्रात करण्यात आला आहे.
