Nagpur Crime | 17 वर्षीय मुलगी पाच महिन्यांची गर्भवती, युट्यूबवर व्हिडीओ पाहून गर्भपात!

नागपूर : नागपूर तालुक्यातील एका गावातलं हे प्रकरण आहे. सतरा वर्षीय मुलीचे एका 27 वर्षीय युवकासोबत सूत जुळलं. दोन वर्षांपासून त्याचं प्रेमप्रकरण सुरू असल्याची माहिती आहे. वर्षभरापूर्वी तो युवक नागपुरात कामानिमित्त आला. एमआयडीसी (MIDC) परिसरात भाड्याने खोली करून राहू लागला. त्यामुळं त्यांच्या भेटीगोटी कमी झाल्या. पण, तरीही ते संधी मिळेल तेव्हा भेटत होते. कधी-कधी हा युवक नरखेडला (Narkhed) जात असे, तर कधी-कधी ती नागपूरला येत असे. काही दिवसांपूर्वी ती नागपूरला आली. रात्री त्याच्या खोलीवर थांबली. दोन-तीन दिवस ती इकडं थांबली होती. त्यावेळी त्यांच्यात शरीरसंबंध निर्माण जाले. यातून तिला गर्भधारणा (Pregnancy) झाली. मळमळ, उलटीचा तिला त्रास होऊ लागला.

गर्भपात करण्यासाठी पाहिले व्हिडीओ

ही बाब मुलीच्या लक्षात आल्यानंतर तीनं युवकाला सांगितलं. तो रुग्णालयात काम करत असल्यानं त्यानं काही औषधी तिला सांगितली. तिने ती औषध खाल्ली पण, काही परिणाम झाला नाही. चार-पाच महिन्यांची गर्भवती झाल्यानंतर ती हादरली. आता काय करावे तिला काही सुचेना. गर्भपात कसा करतात. यासाठी तिनं युट्युबवर काही व्हिडीओ पाहिले.

काढा पिऊन मुलगी बेशुद्ध

त्यात मुलीला काही गावरानी औषधांची माहिती मिळाली. तिला काढा तयार केली. तो घेतला. त्यामुळं तिचा गर्भपात झाला. घरी मुलगी बेशुद्ध पडली होती. बाजूला चार-पाच महिन्यांचे अर्भक होते. पालकांच्या ही बाब लक्षात आली. त्यांनी तिला मेडिकलमध्ये दाखल केले. नागपूर ग्रामीण पोलिसांना प्रकरणाची माहिती देण्यात आली. युवकाविरोधात पोक्सा कायद्यांतर्गत गुन्हा दाखल करण्यात आलाय. ग्रामीण पोलिसांनी हे प्रकरण आता एमआयडीसी पोलिसांकडे वर्ग केले. पोलीस तिच्या प्रियकराचा शोध घेत आहेत.

Nagpur Election | शिवसेना, राष्ट्रवादीची युती होणार का? सत्तेसाठी कॉंग्रेसचा लागणार कस

Nagpur Temperature | सूर्य आग ओकतोय, उन्हामुळे वाढले त्वचारोग; कशी घ्याल काळजी?

Wardha Crime | वायफडच्या सरपंचाला मारहाण; दगडाने फोडले डोके, वादाचे कारण काय?