Nagpur Crime | नागपुरात संशयास्पद स्थितीत वृद्धाचा मृतदेह; गळ्याभोवती दोर, घातपाताची शक्यता
नागपुरातल्या सिद्धार्थ गायकवाड यांच्या मृतदेहाच्या गळ्याभोवती दोर आवळलेला आहे. मात्र मृतदेह हा लटकलेला नाही. त्यामुळे ही आत्महत्या आहे की घातपात याचा तपास अजनी पोलिसांनी सुरू केला आहे.
नागपूर : नागपुरात एका 60 वर्षीय वृद्धचा मृतदेह त्यांच्याच घरात संशयास्पद अवस्थेत आढळून आलाय. सिद्धार्थ गायकवाड (Siddharth Gaikwad) असं मृतक इसमाचं नाव आहे. ते अजनी पोलीस स्टेशन हद्दीत असलेल्या धारीवाड लेआउटमध्ये (Dhariwad Layout) राहत होते. मृतदेहाच्या गळ्याभोवती दोर आवळला आहे. मात्र मृतदेह हा खाली जमिनीवरील गादीवर झोपलेल्या अवस्थेत असल्याने या प्रकरणाचा गुंता वाढला आहे. नेमकी आत्महत्या की हत्या याचा शोध धंतोली पोलीस (Dhantoli Police) घेत आहेत. परिस्थितीजन्य पुरावे पाहता मृत्यू संशयास्पद झाला आहे. पोलिसांच्या तपासात नेमकं काय घडलं ते पुढे येणारच. मात्र परिसरात मोठी हळहळ व्यक्त केली जात आहे.
हातात कामही नव्हते
सिद्धार्थ गायकवाड हे पूर्वी फेब्रिकेशनच्या कारखान्यात काम करायचे. काही दिवसांपासून त्यांच्याकडे काम नव्हतं. आज सकाळी 8 वाजल्याच्या सुमारास सिद्धार्थ यांची पत्नी त्यांना उठवण्यासाठी समोरच्या खोलीत आली. त्यांना त्यांचा मृतदेह दिसून आला. त्यांनी घरातचं झोपलेल्या मुलीला आणि मुलाला या संदर्भात माहिती दिली. त्यानंतर अजनी पोलिसांनी घटनास्थळ गाठून तपास सुरू केला आहे.
धक्कादायक खुलाशाची शक्यता
सिद्धार्थ यांच्या मृतदेहाच्या गळ्याभोवती दोर आवळलेला आहे. मात्र मृतदेह हा लटकलेला नाही. त्यामुळे ही आत्महत्या आहे की घातपात याचा तपास अजनी पोलिसांनी सुरू केला आहे. घटनास्थळी मिळालेल्या परिस्थितीजन्य पुराव्याच्या आधारे पोलिसांनी अकस्मात मृत्युची नोंद केली. तपासाअंती धक्कादायक खुलासा होण्याची शक्यता नाकारता येत नाही. अशी माहिती धंतोली पोलीस ठाणयाचे सारीन दुर्गे यांनी दिली.
Nanded Murder : प्रेयसीच्या मुलाच्या हत्येप्रकरणी आरोपी प्रियकराला 10 वर्षे सक्तमजुरी
