Nagpur Police | नागपूर पोलिसांतर्फे सायक्लोथॉन, भर पावसात लुटला सायकलिंगचा आनंद, झिंगाट डान्सवर पोलीस नाचले

नागपूर पोलिसांतर्फे सायक्लोथॉन, भर पावसात लुटला सायकलिंगचा आनंद

नागपूर : पोलीस आणि नागरिकांमध्ये समन्वय स्थापित व्हावा, या दृष्टिकोनातून पोलिसांतर्फे आज नागपुरात सायकलोथॉनचं आयोजन करण्यात आलं. सायकल हे आरोग्याच्या (Health) दृष्टीने महत्त्वाचा घटक आहे. सायकल चालवल्याने शारीरिक व्यायाम चांगल्या पद्धतीने होतो. सोबतच पोलीस आणि नागरिक (Citizen) एकत्र असेल तर कुठलेही अडचणीचा सामना सहजरित्या केल्या जाऊ शकते. हा उद्देश समोर ठेवत पोलिसांनी हे आयोजन केलं. पाऊस सुरू होता. तेव्हा सायकल चालविण्यात पोलीस आनंद लुटत होते. झिंगाट डान्सवर नाचत होते. याचाही मनमुराद आनंद पोलिसांनी घेतला. जनता आणि पोलीस यांच्यातील संबंध वृद्धिंगत व्हावा, यासाठी हे आयोजन केल्याचं पोलीस आयुक्त अमितेश कुमार (Amitesh Kumar) म्हणाले.

पाहा व्हिडीओ

पोलीस अधिकारीही झाले सहभागी

यामध्ये पोलीस आयुक्त अमितेश कुमार यांच्यासह अनेक वरिष्ठ अधिकाऱ्यांनी भाग घेतला. नागरिकांचासुद्धा मोठा प्रतिसाद पाहायला मिळाला. नागपुरात आज पहाटेपासूनच पावसाची रिपरिप सुरू होती. अशा परिस्थितीमध्ये या सायक्लोथॉनमध्ये सहभागी होणाऱ्यांचा उत्साह मात्र कमी होताना दिसून आला नाही. भर पावसामध्येच सायकल चालवण्याचा आनंद लुटला. शहराच्या वेगवेगळ्या भागातून ही सायकल रॅली निघाली. पोलीस लाईन टाकळी, शिवाजी मैदानावरून या रॅलीला सुरुवात झाली. पोलिसांशिवाय सुमारे साडेतीन हजार नागरिक या रॅलीत सहभागी झाले होते.

विविध शस्त्रांचं प्रदर्शन

पोलीस जनतेसाठी काय करते याचं प्रदर्शन या ठिकाणी करण्यात आलं. पोलिसांचे वेगवेगळे शस्त्र जनतेला पाहता आले. यावेळी सायबर सेक्युरिटीचे लोकंही येथे होते. भर पावसात चांगलाच आनंद लुटला. महिला पोलिसांनीही झिंगाट डान्स केला. पोलिसांची शस्त्र, गांजा, भांग, चरस, कोकेना काय असतं, याचं प्रदर्शन करण्यात आलं. अंमली पथक विरोधी पथकाचं काम काय असतं, हेही या माध्यमातून दाखविण्याचा प्रयत्न करण्यात आला.