Nagpur Election | प्रशासकीय राजवटीमुळं माजी नगरसेवकांच्या अडचणीत वाढ, निवडणूक खर्च वाढणार
नागपूर मनपा निवडणूक आता चार-पाच महिने निवडणुका पुढं ढकलल्या जाण्याची शक्यता आहे. त्यामुळं खर्चाचे बजेट वाढणार आहे. हा खर्च वाढल्यास उभेच्छुकांचे निवडणुकीचे गणित बिघडणार आहे. एकंदरित उभेच्छुकांच्या अडचणीत वाढ होत आहे.
नागपूर : पाच मार्चपासून नागपूर मनपात प्रशासक (Administrator) बसलेत. मनपा आयुक्तांकडं ( Municipal Commissioner) प्रशासकपद आहे. कार्यकाळ संपल्यानं नगरेसवक हे माजी झालेत. तरीही काही नागरिक नगरसेवकांकडं जातात. अशावेळी नगरसेवक (Corporator) संबंधित यंत्रणेला निर्देश देण्याचा प्रयत्न करतात. पण, आता ही यंत्रणा माजी झालेल्या नगरसेवकांना काही जुमानताना दिसत नाही. कारण आता नगरसेवकांचे अधिकार संपुष्ठात आलेत. ते माजी नगरेसवक झालेत. गडरलाईन तुंबल्याच्या तक्रारी वाढल्या आहेत. या तक्रारी नगरसेवकांकडं आधी केल्यास त्या समस्या दूर होत होत्या. नगरसेवक संबंधित यंत्रणेला आदेश देत होते. पण, आता परिस्थिती बदलली आहे. मॅनपावर कमी असल्याचं कारण देत माजी झालेल्या नगरसेवकांच्या तक्रारींना केराची टोपली दाखविली जाते. कर्मचाऱ्यांवर अधिकाऱ्यांचा धाक राहिला नाही, अशी परिस्थिती निर्माण झाली आहे. उन्हाळ्यात काही भागात टँकरनं पाणीपुरवठा करावा लागतो. पण, नगरसेवकांना अधिकार नसल्यानं आता सरळ कर्मचाऱ्यांच्या भरोशावर राहावे लागत आहे.
नगरसेवकांच्या कार्यालयातील गर्दी ओसरली
आधी नगरसेवकांच्या कार्यालयात चौक्या बसत होत्या. कुणी आल्यास त्यांच्या तक्रारींचे निवारण केले जात होते. आता या तक्रारींना कर्मचारी भिक घालताना दिसत आहेत. माजी झालेल्या नगरसेवकांना जुमानत नाहीत. कामेच होत नसल्यानं नगरसेवकांकडं जाण्याचा ओघ कमी झाला आहे.
खर्चाचे बजेट वाढणार
एप्रिलमध्ये निवडणुका होतील, या आशेने नगरसेवक पदासाठी इच्छुक असलेल्यांनी खर्च करणे सुरू केले होते. कार्यकर्त्यांची फळी तयार करण्याचे काम सुरू होते. पण, आता चार-पाच महिने निवडणुका पुढं ढकलल्या जाण्याची शक्यता आहे. त्यामुळं खर्चाचे बजेट वाढणार आहे. हा खर्च वाढल्यास उभेच्छुकांचे निवडणुकीचे गणित बिघडणार आहे. एकंदरित उभेच्छुकांच्या अडचणीत वाढ होत आहे.
