नागपूरचे भारत बोदडे महापौर श्री 2022चे मानकरी, विदर्भस्तरीय शरीरसौष्ठव स्पर्धेतील इतर विजेते कोण?

नागपूर : वर्धा येथील पंकज ढाकुलकर यांना बेस्ट पोजर म्हणून गौरविण्यात आले. स्पर्धेतील विजेत्यांना महापौर दयाशंकर तिवारी (Mayor Dayashankar Tiwari) यांच्या हस्ते पुरस्कार प्रदान करण्यात आले. लकडगंज येथील सरदार वल्लभभाई पटेल मैदान कच्छी विसा परिसर येथे शुक्रवारी विदर्भस्तरीय शरीरसौष्ठव स्पर्धा (Vidarbha Level Bodybuilding Competition) महापौर श्री-2022 चे आयोजन करण्यात आले होते. विशेष म्हणजे मागील 7 वर्षांपासून नगरसेवक नरेंद्र (बाल्या) बोरकर (Corporator Narendra Borkar) हे नियमित विदर्भस्तरीय शरीरसौष्ठव स्पर्धेचे आयोजन करीत आहेत. त्यांच्या प्रयत्नातून विदर्भातील शरीर सौष्ठवपटूंना उत्तम व्यासपीठ उपलब्ध झाले आहे. 60 किलो, 65 किलो, 70 किलो, 75 किलो, 80 किलो व 80 किलोच्या वर या सहा वजनगटात स्पर्धा घेण्यात आली.

93 स्पर्धकांनी सहभाग घेतला

स्पर्धेत विदर्भातील सर्व जिल्ह्यातील एकूण 93 स्पर्धकांनी सहभाग घेतला. प्रत्येक वाजनगटात एकूण 5 बक्षिसे होती. प्रत्येक गटात पहिले बक्षीस 20 हजार रुपये, दुसरे 15 हजार रुपये, तिसरे 10 हजार रुपये, चवथे 7 हजार रुपये, पाचवे 5 हजार रुपये विजेत्यांना प्रदान करण्यात आले. नागपूरचा भारत बोदडे हा ‘महापौर श्री-2022 चा मानकरी ठरला त्याला. 51 हजार रुपये रोख व चषक देऊन केंद्रीय मंत्री नितीन गडकरी यांनी गौरवान्वित केले. ‘बेस्ट पोजर’ वर्धा येथील पंकज धाकुलकर यांना 31 हजार रुपये रोख व चषक देऊन गौरव करण्यात आला. परीक्षणाची जबाबदारी विदर्भ संघटनेच्या पदाधिकाऱ्यांनी पार पाडली.

इतर गटातील विजेते

60 किलो – राजेश क्षीरसागर (यवतमाळ), सुरज बोधिले (अमरावती), सलीम शेख (अकोला), किरण ठाकरे (चंद्रपूर, नावेद शेख (अमरावती). 65 किलो – योगेश बन्सोड (अकोला), अक्षय टिकेकर (अमरावती), शुभम यादव (अकोला), शुभम बागडे (यवतमाळ), हर्ष शाहु (नागपूर). 70 किलो – योगेश शेंडे (नागपूर), अक्षय गानेर (नागपूर), विक्रांत गोडबोले (नागपूर), अक्षय इकोनकर (अमरावती), सुयश जदिवे (अकोला). 75 किलो – प्रसाद थोटे (अमरावती), आलेख चौधरी (नागपूर), सोयब अली(अकोला), राज अटकापूरवार (चंद्रपूर), मोनिष ठाकुर (नागपूर). 80 किलो – पंकज ढाकुलकर (वर्धा), रोहित मोरे (चंद्रपूर), शशांक शेंडे (नागपूर), बिलाल शेख (नागपूर), सलमान शेख (नागपूर). 80 किलोवरील – भारत बोदडे (नागपूर), कमलेश कश्यप (चंद्रपूर), आकाश राजपूत (अमरावती), निनेश जोशी (नागपूर), किसन तिवारी (नागपूर).

Photo – चार छाव्यांचे दर्शन एकाचवेळी घेतले का? चला तर मग बघा, मेळघात शिक्षकाला दिसलेले छावे

वडिलांना सोडून परतत होता युवक, गोंदियाकडे येताना टिप्परखाली आला, शरीराच्या चिंधळ्याच उडाल्या!

रेल्वे सुरक्षा बलाची मोठी कारवाई, 3 किलो सोने, 27 किलो चांदी जप्त! बिहारच्या आरोपींना चंद्रपुरात अटक