इंडियन स्वच्छता लीग स्पर्धेसाठी नागपूर मनपाचा संघ कोणता?, कोण असणार कर्णधार
युवावर्ग, सामाजिक संस्थांचे स्वयंसेवक आणि सर्वसामान्य नागरिकांनी सहभागी व्हावे. याकरिता नागरिकांनी https://innovateindia.mygov.in/swachhyouthrally/ या लिंकवर नावनोंदणी करावी असे आवाहन श्री जोशी यांनी केले.
नागपूर : स्वातंत्र्याच्या अमृत महोत्सवी वर्षानिमित्त स्वच्छ भारत अभियान राबविले जात आहे. केंद्र शासनाने देशपातळीवर ‘इंडियन स्वच्छता लीग’ स्पर्धेचे आयोजन केले आले आहे. ‘इंडियन स्वच्छता लीग’मध्ये ‘नागपूर निती’ या नावाने नागपूर महापालिका सहभागी होणार आहे. 17 सप्टेंबर ते 2 ऑक्टोबर या कालावधीत नागपुरात विविध उप्रक्रम राबविले जाणार आहेत. या संदर्भात नागपूर महापालिकेचे आयुक्त राधाकृष्णन बी. यांच्या अध्यक्षतेखाली बुधवार शहरातील विविध स्वयंसेवी संस्थांच्या पदाधिकारी आणि स्वयंसेवकांची बैठक पार पडली.
इंडियन स्वच्छता लीग
यावेळी अतिरिक्त आयुक्त राम जोशी यांच्यासह झोनल अधिकारी व स्वयंसेवी संस्थाने पदाधिकारी व स्वयंसेवक उपस्थित होते. या बैठकीत अतिरिक्त आयुक्त राम जोशी यांनी इंडियन स्वच्छता लीग या स्पर्धेबद्दल माहिती दिली. त्यांनी सांगितले की, पहिल्या स्वच्छ भारत अभियानाला आठ व स्वच्छ भारत अभियान -2 ला एक वर्ष झाले आहे. त्यानुसार केंद्र शासनाने स्वच्छ अमृत महोत्सवानिमित्त इंडियन स्वच्छता लीग या स्पर्धेचे आयोजन केले आहे.
#IndianSwachhataLeague मनपाच्या #NagpurNiti द्वारे शनिवारी १७ सप्टेंबरला प्लॉग रन सहभागी होण्यासाठी क्यूआर कोड स्कॅन व https://t.co/xWfJVgfuBAयावर नोंदणी करा #IndianSwachhataLeague#SwachhAmritMahotsav #YouthVsGarbage @SwachhBharatGov @MoHUA_India @MoHUA_India @HardeepSPuri pic.twitter.com/eTy1ANHoAU
— Nagpur Municipal Corporation (@ngpnmc) September 15, 2022
स्पर्धेत 1800 शहर सहभागी
देशपातळीवर होणाऱ्या या स्पर्धेत अठराशेहुन अधिक शहर सहभागी होणार आहेत. या स्पर्धेसाठी नागपूर महापालिकेच्या संघाला नागपूर नीती असे नाव देण्यात आले आहे. ग्रीन व्हिजील संस्थेचे मेहुल कोसुरकर कर्णधार असणार आहे.
शनिवारी सकाळी सात वाजता रॅली
या स्पर्धे अंतर्गत नागपूर महापालिकेतर्फे 17 सप्टेंबर रोजी सकाळी 7 वाजता स्वच्छता रॅली काढली जाणार आहे. ही स्वच्छता रॅली अमरावती रोड स्थित विद्यापीठ चौकापासून ते अंबाझरी स्थित विवेकानंद स्मारक ते दीक्षाभूमी अशी असणार आहे. रॅली दरम्यान नागरिक आपल्या श्रमदानाने मार्ग स्वच्छ करीत चालतील.
या लिंकवर करावी नोंदणी
यासाठी युवावर्ग, सामाजिक संस्थांचे स्वयंसेवक आणि सर्वसामान्य नागरिकांनी सहभागी व्हावे. याकरिता नागरिकांनी https://innovateindia.mygov.in/swachhyouthrally/ या लिंकवर नावनोंदणी करावी असे आवाहन श्री जोशी यांनी केले.
