निवडणूक बाजार समितीची पण रंगीततालिम लोकसभेची, इच्छुकांच्या हालचाली वाढल्या, आजी-माजी खासदार आमनेसामने?
आगामी लोकसभा निवडणुकीच्या पार्श्वभूमीवर होऊ घातलेल्या बाजार समितीच्या निवडणुकीची रंगीत तालिम पाहायला मिळणार आहे. यामध्ये दुसरी महत्वाची बाब म्हणजे आजी माजी खासदार सामने येणार असल्याचे चित्र आहे.
नाशिक : राज्यात सध्या बाजार समित्यांच्या निवडणुकीचे बिगुल वाजले आहे. सगळीकडे बाजारसमितीच्या निवडणुकीचं वातावरण आहे. त्यात सध्या नाशिक बाजार समितीच्या निवडमणुकीत कोण कोणत्या पक्षाबरोबर राहणार याबबात चर्चा सुरू असतांना आता एक नवीन चित्र पाहायला मिळाले आहे. नुकतीच भाजप आणि शिवसेनेची बैठक पार पडली त्यामध्ये विद्यमान खासदार हेमंत गोडसे यांनी नेतृत्व करावे अशी मागणी करण्यात आली आहे. तर दुसरीकडे माजी खासदार देविदास पिंगळे यांचीही यामध्ये जोरदार तयारी सुरू आहे. खरंतर नाशिकच्या बाजार समितीत चुंबळे आणि पिंगळे असा सत्तासंघर्ष गेल्या काही महिन्यांपासून सुरू आहे.
बाजार समितीचे माजी सभापती शिवाजी चुंभळे आणि माजी खासदार तथा माजी सभापती देविदास पिंगळे यांच्यात बाजार समितीवर सत्ता मिळवण्यासाठी प्रयत्न राहिला आहे. कधी पिंगळे तर कधी चुंबळे अशीच सत्ताचक्र राहिले आहे.
मात्र, गेल्या काही महिन्यांपासून बाजार समिती प्रशासक होते. त्यामध्ये आता भाजप आणि शिवसेनेच्या माध्यमातून हेमंत गोडसे यांनी यांनी नेतृत्व करावे असे बोलले जात आहे. तर दुसरीकडे देविदास पिंगळे हे महाविकास आघाडीच्या माध्यमातून नेतृत्व करीत असल्याची स्थिती आहे.
निवडणुकीचे बिगुल वाजले असले तरी अद्याप मात्र उमेदवार निश्चित झालेले नाही. त्यासाठी केला जाणारा पॅनलही अद्याप घोषित झालेला नाही. त्यामुळे बैठकांचे सत्र जोरदार सुरू असून उमेदवार निश्चितीबाबत खलबत केली जात आहे.
नाशिक बाजार समिती तशी सहा आमदारांच्या कार्यक्षत्रात आहे. मोठा परिसर नाशिक बाजार समितीत येतो. त्यामध्ये बाजार समितीतून भाजीपाल्याची मोठ्या प्रमाणात आयात निर्यात होते. त्यामुळे बाजार समितीत सत्ता मिळावी याकरिता मोठ्या प्रमाणात ताकद लावली जाते.
नाशिक बाजार समितीची मोठी उलाढाल आहे. कांदा, डाळिंब, टोमॅटो यांच्यासह भाजीपाला आणि फळभाज्या घेऊन शेतकरी मोठ्या प्रमाणात येत असतात. जिल्ह्याच्या ठिकाणी असलेल्या बाजार समितीत निवडून येण्यासाठी मोठा कस लागतो. त्यासाठी राजकीय पक्षांची मोठी ताकद यावेळेला पाहायला मिळत असते.
त्यात आता हेमंत गोडसे देखील बाजार समितीच्या निवडणुकीचे नेतृत्व करण्याच्या तयारीत आहे. तशी गळही त्यांना घातली जात आहे. त्यामुळे आजी माजी खासदार यांच्यात लढत पाहायला मिळणार आहे. त्यामुळे यामध्ये कोण वरचढ ठरणार याकडे लक्ष लागून आहे.
नाशिक कृषी उत्पन्न बाजार समितीची निवडणूक म्हणजे लोकसभा निवडणुकीची रंगीततालिम असणार आहे. त्यामुळे आगामी लोकसभा निवडणुक डोळ्यासमोर ठेऊनच बाजार समितीची लढत पाहायला मिळणार आहे.
