शिंदे गटाला कचरा गोळा करायची सवय, संजय राऊत यांची खोचक टीका, राऊत नेमकं काय म्हणाले?

नाशिक : संजय राऊत नाशिकमध्ये उद्धव ठाकरे यांच्या सभेच्या तयारीसाठी आले. त्यावेळी ते माध्यमांशी बोलताना म्हणाले, कोणताही धक्का बसलेला नाही. मी असे वृत्तपत्रात वाचले काही लोक गेले म्हणून. जे गेले त्यांचे नाव पण मला माहीत नव्हते. शिंदे गटाला कचरा गोळा करायची सवय लागली. त्यांच्यासमोर मुख्यमंत्री एकनाथ शिंदे भाषण करतात. शिवसेना काय आहे हे निवडणुका होऊ द्या मग कळेल. योगी मुंबईत येऊन 5 लाख कोटींची गुंतवणूक मुंबईतून नेतात. आमचे मुख्यमंत्री तिकडे दावोसला चालले म्हणे बर्फ उडवायला, अशी टीकाही संजय राऊत यांनी केली. शिवाजी महाराजांचा अपमान झाले की चुप राहतात. भाजपच्या लोकांना शिवाजी महाराजांशी काही प्रेम नाही. मागे शिवाजी महाराजांची तुलना मोदी यांच्याशी केली होती, याची आठवण संजय राऊत यांनी करून दिली.

सगळे चोर लंफगे कचरा शिंदे गटात गेले आहेत. हे जे खासदार आहेत ते परत निवडून येणार नाहीत. समृध्दीचा पैसा असो किंवा वसुलीचे पैसे याने निवडणुका जिकंता येत नाहीत. असा हल्लाबोल संजय राऊत यांनी शिंदे गटावर केला.

आज सकाळी नारायण राणे यांना उत्तर दिले. तेव्हापासून माझी ओळख सांगणे बंद केली. चांगले आहे. त्यांच्यासाठी हे महाशय पवार साहेब असो मागे मोदी आणि अन्य यांच्यावर काहीही बोलतात. परत जर त्यांना असे केले तर मी खपवून घेणार नाही. मी येवढे दिवस त्यांचा मान ठेवायचो आता तसे होणार नाही, असंही संजय राऊत यांनी म्हंटलं.

माझ्याशी ओळख काढण्याचा जर परत राणे यांनी प्रयत्न केला तर लक्षात ठेवा माझे नाव संजय राऊत आहे. तुम्ही गुंड आहात तर मी महागुंड आहे. मी पळपुटा नाही. मी गुढगे टेकले नाहीत. मी पक्षासाठी जीवाचे रान केले. संजय राऊत यांनी नारायण राणे यांच्यावर हल्ला बोल केला.

नाशिकला उध्दव ठाकरे यांची सभा होणार आहे. त्यांच्या सभेच्या तयारीसाठी मी आलो आहे. नागपुरात कस्तुरी पार्कलाही उध्दव ठाकरे यांची सभा होणार आहे, असंही संजय राऊत यांनी सांगितलं.