नवी मुंबईत भाजपाचा शिवसेना आणि राष्ट्रवादीला दे धक्का! पक्षाच्या महत्त्वाच्या पदाधिकाऱ्यांचा कार्यकर्त्यांसह पक्ष प्रवेश
ज्यांनी आज भाजपात प्रवेश केला आहे त्यांना शेवटपर्यंत पश्चाताप करण्याची पाळी येणार नाही त्यांनी घेतलेला निर्णय हा योग्य असेल असे भाजप नेत्या चित्रा वाघ यावेळी म्हटले आहे.
नवी मुंबई : नवी मुंबईमध्ये भारतीय जनता पक्षाने शिवसेना आणि राष्ट्रवादी काँग्रेस पक्षाला जोरदार दणका दिला असून दिघा आणि तुर्भे येथील या दोन पक्षाच्या महत्त्वाच्या पदाधिकाऱ्यांनी त्यांच्या असंख्य कार्यकर्त्यांसह भाजपात प्रवेश केला आहे. त्यामुळे या भागातील भाजपाची ताकद वाढली असून शिवसेना आणि राष्ट्रवादी काँग्रेसचा सुपडासाफ झाला आहे. लोकनेते आमदार गणेश नाईक, भाजपाच्या प्रदेश महिला उपाध्यक्षा चित्रा वाघ, माजी खासदार डॉक्टर संजीव नाईक, माजी आमदार संदीप नाईक, माजी महापौर सागर नाईक, माजी महापौर सुधाकर सोनवणे, भाजपा जिल्हाध्यक्ष रामचंद्र घरत, माजी विरोधी पक्षनेते दशरथ भगत आदी मान्यवरांच्या उपस्थितीत या पदाधिकाऱ्यांनी आणि कार्यकर्त्यांनी भाजपचा झेंडा हातात घेतला. (BJP’s push to Shiv Sena and NCP in Navi Mumbai, Party entry with activists of important office bearers of the party)
गेली वीस वर्षे शिवसेनेमध्ये कार्यरत
दिघा येथील शिवसेनेचे विभागप्रमुख सुभाष काळे, गेल्या पंधरा वर्षांपासून शिवसेनेचे काम करणारे शाखाप्रमुख केशव चव्हाण, दिघा येथील शिवसेना युवा विभाग अधिकारी सचिन लोंढे, समाजसेविका श्वेता काळे, जय लहुजी सामाजिक संस्थेच्या माध्यमातून मातंग समाजासाठी महाराष्ट्रभर काम करणारे योगेश शिंदे, असंघटित कामगारांच्या हितासाठी काम करणारे राष्ट्रवादीचे तुर्भे तालुका अध्यक्ष बाळकृष्ण खोपडे, माजी नगरसेवक प्रल्हाद शेलटकर शाखाप्रमुख बसवराज गडीवडार शिवसेनेचे ज्येष्ठ पदाधिकारी मल्लेश पुजारी, राष्ट्रवादीचे तुर्भे तालुका उपाध्यक्ष शिवाजी शिंदे, तुर्भे तालुका कार्याध्यक्ष नियाज शेख या सर्वांनी त्यांच्या असंख्य कार्यकर्त्यांसह लोकनेते आमदार नाईक यांच्या नेतृत्वावर विश्वास ठेवून शिवसेना आणि राष्ट्रवादी काँग्रेसला रामराम ठोकला.
गुंडांना घाबरु नका असा गणेश नाईकांचा पक्षप्रवेश करणाऱ्यांना सल्ला
ज्यांनी आज भाजपात प्रवेश केला आहे त्यांना शेवटपर्यंत पश्चाताप करण्याची पाळी येणार नाही त्यांनी घेतलेला निर्णय हा योग्य असेल असे भाजप नेत्या चित्रा वाघ यावेळी म्हटले आहे. तसेच नवी मुंबई पालिकेच्या निवडणुकीत सर्वच्या सर्व 111 ठिकाणी भाजपाचे उमेदवार जिंकून आणावेत असे आवाहनही त्यांनी केले. नवी मुंबई महापालिकेतील सत्तेचा लोककल्याणासाठी वापर केला असे सांगून लोकनेते आमदार गणेश नाईक यांनी गुंडांना घाबरू नका. आपल्याकडे असलेले नैतिकतेचे शस्त्र सर्वात मोठे आहे, असा सल्ला उपस्थित कार्यकर्त्यांना दिला. लोकनेते नाईक म्हणाले, भाजपात आलेल्या सर्वांना आपुलकीची वागणूक मिळेल. पालिका निवडणुकांच्या दृष्टीने सावध रहा. जनतेचे हित साधण्यासाठी महापालिकेची सत्ता प्राप्त करूया, सल्ला आमदार नाईक यांनी यावेळी नव्याने भाजपात दाखल झालेल्या पदाधिकारी, कार्यकर्त्यांना दिला आहे. (BJP’s push to Shiv Sena and NCP in Navi Mumbai, Party entry with activists of important office bearers of the party)
कोरोना रुग्णांची वाढ, नवी मुंबईत 19 जुलैपर्यंत निर्बंध वाढवले, मनपा आयुक्तांचे आदेशhttps://t.co/LjevWeIzH2#NaviMumbai #Corona #Restriction #Lockdown
— TV9 Marathi (@TV9Marathi) July 15, 2021
इतर बातम्या
मुंबई APMC मार्केटमधील मसाला आणि धान्य बाजार उद्या बंद
ड्रग्जच्या तस्करीसाठी कॉल सेंटर मॉड्युलचा वापर; मुंबईत आंतरराष्ट्रीय टोळीचा पर्दाफाश
