दीपक केसरकर यांच्या घरासमोर मोर्चा; या मागण्यांसाठी आंदोलक आक्रमक

सिंधुदुर्ग : जिल्ह्यात शिक्षकांच्या जागा रिक्त आहेत. परंतु, त्यांची भरती केली जात नाही. सावंतवाडी येथील दीपक केसरकर हे शिक्षण विभागाचे मंत्री आहेत. त्यांच्याच जिल्ह्यात डी. एड. बेरोजगार मोठ्या प्रमाणात आहेत. त्यामुळे केसरकर यांच्या घरासमोर आंदोलन करण्यात आले. रिक्त जागा भरण्यात याव्या, या मागणीसाठी आंदोलक आक्रमक झाले होते. नोकरी आमच्या हक्काची नाही कुणाच्या बापाची अश्या घोषणा देत डी.एड. बेरोजगार स्थानिकांना सेवेत सामावून घेण्यासाठी दीपक केसरकर यांच्या घरासमोर शिवसेनेने आज दुपारी मोर्चा काढत आंदोलन केले.

यांच्या नेतृत्वात आंदोलन

सावंतवाडीतील दीपक केसरकर यांच्या घरासमोर हे आंदोलन युवा सेनेच्या वतीने करण्यात आले. युवा सेना जिल्हाप्रमुख मंदार शिरसाट आणि कुडाळ तालुका युवासेना प्रमुख योगेश धुरी यांच्या नेतृत्वाखाली हे आंदोलन करण्यात आले.

हे सुद्धा वाचा

जुनी पेन्शन योजना सरकारी कर्मचाऱ्यांना नाही आम्हाला द्या, येथील गावकऱ्यांनी केली मुख्यमंत्र्यांकडे मागणी

बुलेरोने बुलेटला २० फूट फरफटत नेले; त्यानंतर घडली ही भयानक घटना

भरधाव एसटी बसचे स्टेअरिंग रॉड तुटले; त्यानंतर घडली अशी थरारक घटना

आंदोलनाने उडाला गोंधळ

यावेळी दीपक केसरकर यांच्या विरोधात जोरदार घोषणाबाजी करण्यात आली. नोकरी आमच्या हक्काची नाही कुणाच्या बापाची … अशा जोरदार घोषणा दीपक केसरकर यांच्या विरोधात देण्यात आल्या. पोलिसांनी आंदोलकांना ताब्यात घेतले. त्यानंतर त्यांची सुटका केली आहे. या आंदोलनाने एकच गोंधळ उडाला होता.

जिल्ह्यात ९०० पदं रिक्त

उद्धव बाळासाहेब ठाकरे हे नेहमी स्थानिकांच्या पाठीशी उभे राहते. त्यामुळे या आंदोलनात सहभाग असल्याचं सांगण्यात आलं. स्थानिक डी.एड. उमेदवार आहेत त्यांना नोकऱ्या मिळाल्या पाहिजे. शिक्षण विभागात ८५० ते ९०० पदं रिक्त आहेत. स्थानिकांना नोकऱ्या नाहीत. आपल्या जिल्ह्यात उमेदवार आहेत. पण, नोकरीच्या रिक्त जागा भरल्या जात नाही. जिल्हा निवड मंडळाच्या माध्यमातून २००७ ला भरती झाल्या त्याप्रमाणे ही भरती प्रक्रिया राबवण्यात यावी.

आंदोलकांना घेतले ताब्यात

शिक्षणमंत्री हाय हाय. स्थानिकांना रोजगार मिळाल्याच पाहिजे. अशा घोषणा देण्यात आल्या. स्थानिकांना रोजगार मिळाला पाहिजे. अशा घोषणा देत असताना पोलीस आले. त्यांनी आंदोलकांना ताब्यात घेतले. त्यानंतर थोड्या वेळाने सोडून दिले. योगेश धुरी आणि मंदिर शिरसाट यावेळी आक्रमक झालेले पाहायला मिळाले.