Video | वाशिममध्ये दोन गटात तुफान हाणामारी; राड्याचा व्हिडीओ व्हायरल
जिल्ह्यातील मंगरुळपीर शहरात दोन गटात तुफान हाणामारी झाली. मंगरुळपीर येथील मण्यार चौकात लाकडी दांडे तसेच रॉडसह दोन गटात ही हाणामारी झाली.
वाशिम : जिल्ह्यातील मंगरुळपीर शहरात दोन गटात तुफान हाणामारी झाली. मंगरुळपीर येथील मण्यार चौकात सकाळी 8 वाजता लाकडी दांडे तसेच रॉडसह ही हाणामारी झाली. या घटनेचा व्हिडिओ सोशल मीडियावर व्हायरल होत आहे. हा प्रकार समोर आल्यानंतर मंगरुळपीरमध्ये काही काळासाठी तणाव निर्माण झाला होता. याबाबत पोलिसांनी कारवाई करणे सुरु केले आहे. (Washim Mangrulpir freestyle fighting between Two groups with Rods and Sticks)
दोन गट एकेमकांना भिडले
मिळालेल्या माहितीनुसार वाशिम जिल्ह्यातील मंगरुळपीर शहरामध्ये दोन गट एकेमकांना भिडले. या दोन्ही गटांनी चक्क काठ्या-लाठ्यांसह रॉडने एकमेकांना तुफान मारहाण केली. किरकोळ कारणामुळे हे भांडण झाल्याचे समजत असले तरी या मारामारीचे नेमके कारण अजूनतरी समोर आले आहे. या फ्री स्टाईल हाणामारीचा व्हिडीओ सोशल मीडियावर व्हायरल झाला आहे.
पाहा व्हिडीओ :
लवकरच दोषींवर कारवाई केली जाणार
दरम्यान, हा प्रकार घडल्यानंतर पोलिसांनी हस्तक्षेप करत परिस्थिती नियंत्रणात आणली. तसेच या प्रकरणी पोलिसांनी अधिक तपास सुरु केला असून लवकरच दोन्ही गटांतील दोषींवर कारवाई केली जाईल, असे सांगण्यात येत आहे. या हाणामारीमध्ये जखमी झालेल्यांवर सध्या उपचार सुरु आहेत.
इतर बातम्या :
बंदुकीच्या धाकावर दागिन्यांसह 4 लाख लुटले, पोलिसांनी 12 तासाच्या आत आवळल्या मुसक्या
कानठळ्या बसवणाऱ्या मॉडिफाइड सायलेन्सरचा चुराडा, अंबरनाथमध्ये 150 सायलेन्सरवर रोडरोलर
(Washim Mangrulpir freestyle fighting between Two groups with Rods and Sticks)