खोल दरीत फेकलेला तो औषधांचा साठा कुठला? हे पाप कुणाचं?
या औषधांचा योग्य प्रमाणात वापर केला जात नसल्याचं दिसून आलं. त्यामुळे औषधांवर नियंत्रण ठेवण्याऱ्या यंत्रणेच्या कारभारावर प्रश्नचिन्ह उपस्थित झाले आहे.
नंदुरबार : राज्यातील काही लोकं अतिशय गरीब आहेत. त्यांना वेळेवर औषध ( drugs) मिळत नाही. त्यामुळे ते दगावतात. त्यांचे आयुष्यमान कमी होते. उलट जे वेळेवर औषधोपचार करू शकतात. त्यांचे आयुष्यमान वाढते. औषध रुग्णाला बरे करते. पण, या औषधाचा योग्य वापर केला गेला पाहिजे. नंदुरबार जिल्ह्यात धक्कादायक बाब पुढं आली. या औषधांचा योग्य प्रमाणात वापर केला जात नसल्याचं दिसून आलं. त्यामुळे औषधांवर नियंत्रण ठेवण्याऱ्या यंत्रणेच्या कारभारावर प्रश्नचिन्ह उपस्थित झाले आहे.
रस्त्याच्या बाजूला फेकला औषधाचा साठा
आरोग्याचा अनेक समस्या असलेल्या नंदुरबारच्या दुर्गम भागात औषध साठा फेकल्याचा अनेक घटना समोर येत आहेत. यातून आरोग्य विभागाच्या नियोजन शून्य कारभाराचाही पंचनामा होत आहे. धडगाव तालुक्यातील धावलघाटमधील चिंचालाबारी या शिवारात रस्त्याच्या बाजूला खोलदरीत खोक्यांमध्ये भरून औषध साठा फेकल्याचे समोर आले आहे.
घाटात दोन ठिकाणी सापडला औषधसाठा
यातील काही औषधसाठा मुदत बाह्य आहे का? किंवा वापराचा आहे, हाही प्रश्न आता उपस्थित केला जात आहे. या घाटात दोन ठिकाणी औषध साठा फेकल्याचे समोर आले आहे. यात काही वापरलेला औषध साठा असून तो का फेकला गेला हा एक प्रश्न आहे.
वैद्यकीय अधिकाऱ्यांचा बोलण्यास नकार
तसेच औषध साठा उघड्यावर आणून कोणी फेकला ही एक प्रश्न या निमित्ताने उपस्थित होत आहे. हा औषध साठा सरकारी की खाजगी याची चौकशी होण्याची मागणी केली जाते. यासंदर्भात वरिष्ठ वैद्यकीय अधिकाऱ्यांशी संपर्क साधला. त्यांनी या विषयावर बोलण्यास नकार दिला. चौकशी करून पूर्ण माहिती दिली जाईल, असं सांगितलं.
चौकशी होणे गरजेचे
औषधसाठी फेकलेल्या अवस्थेत सापडला. याची चौकशी होणे गरजेचे आहे. याशिवाय तो का फेकला. अशाप्रकारे औषधसाठी फेकण्याचा अधिकार यांना कुणी दिला, असे अनेक प्रश्न यानिमित्ताने निर्माण होतात. एकीकडे गरजूंना औषध मिळत नाही. दुसरीकडे अशाप्रकारे औषधी फेकल्या जातात. त्यामुळे योग्य प्रमाणात वापर करण्याची गरज आहे.
