पालघरमध्ये मृत्यू झालेल्या कोरोनाग्रस्ताच्या पत्नीला कोरोनाची लागण, 20 जण क्वारंटाईन

पालघर : राज्यात कोरोनाबाधितांचा आकडा दिवसेंदिवस वाढत (Palghar Corona Patient Found) आहे. राज्यात कोरोनाबाधितांचा आकडा 321 वर पोहोचला आहे. पालघर तालुक्यात एका महिलेला कोरोनाची लागण झाली आहे. ही महिला काल (31 मार्च) पालघरमध्ये मृत्यू झालेल्या कोरोनाबाधिताच्या पत्नी आहे.

पालघर तालुक्यामध्ये कोरोनाबाधित दुसरा रुग्ण आढळला (Palghar Corona Patient Found) आहे. सफाळे परिसरातील एका 46 वर्षीय महिलेला कोरोनाची लागण झाली आहे. या महिलेवर पालघरच्या ग्रामीण रुग्णालयातील विलगीकरण कक्षात उपचार सुरु आहे.

काल (31 मार्च) रात्री पालघरमध्ये एका कोरोनाग्रस्ताचा मृत्यू झाला होता. सफाळे परिसरातील 50 वर्षीय पुरुषाचा उपचारादरम्यान मृत्यू झाला. त्याच्या संपर्कात आलेल्या 20 जणांना होम क्वारंटाईन करण्यात आले आहे.

दुकाने संध्याकाळी 5 पर्यंत खुली राहणार

दरम्यान पालघर नगरपरिषदेचा मोठा निर्णय घेतला आहे. पालघर नगरपरिषदेतंर्गत येणारी रिटेल किराणा मालाची दुकान सकाळी 8 ते संध्याकाळी 5 पर्यंत खुली राहणार आहे. पालघर मुख्याधिकारी यांनी याबाबतचा आदेश काढला आहे.

पालघरमध्ये कोरोनाग्रस्तांची संख्या वाढत आहे. त्यातच नागरिकांना अनेकदा विनंती केल्यानंतर नागरिक ऐकत नाही. यामुळे पोलीस प्रशासनावर ताण वाढत चालला आहे. या पाश्वभूमीवर सर्व किराणा मालाची दुकाने ठराविक वेळेत सुरु ठेवली जाणार आहे. या आदेशाचा पालन न करणाऱ्यांवर कडक करावाईचे आदेश दिले आहे.

महाराष्ट्रात कोठे किती रुग्ण?

मुंबई – 167 पुणे – 38 पिंपरी चिंचवड – 12 सांगली – 25 नागपूर –  16 कल्याण – 9 नवी मुंबई – 8 अहमदनगर – 8 ठाणे – 9 वसई विरार – 6 यवतमाळ – 4 बुलडाणा – 3 पनवेल – 2 सातारा – 2 कोल्हापूर – 2 पालघर- 2 उल्हासनगर – 1 गोंदिया – 1 औरंगाबाद – 1 सिंधुदुर्ग – 1 रत्नागिरी – 1 जळगाव- 1 नाशिक – 1 इतर राज्य (गुजरात) – 1

एकूण 320