Petrol Diesel Price : राज्यातही पेट्रोल 2 रुपये 8 पैशांनी तर डिझेल 1 रुपया 44 पैशांनी स्वस्त; केंद्रापाठोपाठ राज्य सरकारचा मोठा निर्णय
आज 22 मेपासून पेट्रोल आणि डिझेलवरील मूल्यवर्धित करात ( VAT) अनुक्रमे 2 रुपये 8 पैसे आणि 1 रुपया 44 पैसे प्रती लिटर कपात केली आहे. यामुळे वार्षिक सुमारे 2500 कोटी रुपये राज्याच्या तिजोरीवर भार पडणार आहे.
मुंबई : केंद्र शासनाने काल पेट्रोल आणि डिझेलचे (Petrol Diesel Price) अबकारी कर कमी केल्यानंतर राज्य शासनाने (Maharashtra Government) आज 22 मेपासून पेट्रोल आणि डिझेलवरील मूल्यवर्धित करात ( VAT) अनुक्रमे 2 रुपये 8 पैसे आणि 1 रुपया 44 पैसे प्रती लिटर कपात केली आहे. यामुळे वार्षिक सुमारे 2500 कोटी रुपये राज्याच्या तिजोरीवर भार पडणार आहे. मूल्यवर्धित कर कमी केल्याने पेट्रोलकरिता 80 कोटी रुपये महिन्याला आणि 125 कोटी रुपये डिझेलकरिता इतके महसुली उत्पंन कमी होणार आहे. 16 जून 2020 ते 4 नोव्हेंबर 2021 या कालावधीत केंद्र सरकार पेट्रोल आणि डिझेलवर अनुक्रमे 7 रुपये 69 पैसे आणि 15 रुपये 14 पैसे प्रती लिटर कर आकारात होते. मार्च आणि मे 2020 मध्ये केंद्राने पेट्रोल आणि डिझेलच्या अबकारी दरात अनुक्रमे 13 आणि 16 रुपये अशी वाढ केली होती. आता हे दर कमी करण्यात आल्याने सर्वसामान्य नागरिकांना मोठा दिलासा मिळाला आहे.
आतापासूनचे पेट्रोलचे नवे दर
मुंबई 109.45
पुणे 108.87
नाशिक 109.75
नागपूर 109.35
औरंगाबाद 110.95
परभणी 111.9
रत्नागिरी 110.77
डिझेलचे जुने दर
मुंबई 96.01
पुणे 94
नाशिक 94.85
नागपूर 94.48
औरंगाबाद 97.51
परभणी 96.91
रत्नागिरी 95.85
पेट्रोलचे जुने दर
मुंबई 111.53
पुणे 110.95
नाशिक 111.83
नागपूर 111.43
औरंगाबाद 113.03
परभणी 113.98
रत्नागिरी 112.85
डिझेलचे जुने दर
मुंबई 97.45
पुणे 95.44
नाशिक 96.29
नागपूर 95.92
औरंगाबाद 98.95
परभणी 98.35
रत्नागिरी 97.29
केंद्राने किती दर कमी केले?
पेट्रोलवरील केंद्रीय उत्पादन शुल्क प्रति लिटर 8 रुपये आणि डिझेलवरील केंद्रीय उत्पादन शुल्क प्रति लिटर 6 रुपयाने कमी होणार आहे. अशी घोषणा कालच केंद्र सरकारने केली होती. तर राज्यानेही असाच निर्णय घ्यावा अशी मागणी सतत भाजप नेत्यांकडून करण्यात येत होती. त्यावरून भाजपने राज्य सरकारला घेरण्याचा प्रयत्न करत टिकेची झोड उडवली होती. मात्र आता राज्यानेही हा मोठा निर्णय घेऊन सर्वसामान्यांना दिलासा दिलाच आहे. त्याचबरोबर भाजपलाही प्रत्युत्तर दिलं आहे. त्यामुळे आता यावर भाजपकडूनही जोरदार प्रतिक्रिया उमटण्याची शक्यता आहे.
घरगुती गॅस वापरकर्त्यांनाही दिलासा
गेल्या अनेक दिवसांपासून देशात महागाईवरून जनता तक्रारी करत आहे. तसेत विरोधकांकडूनही केंद्र सरकारवर जोरदार टीकाही होत आहे. महागाईविरोधात अनेक ठिकाणी आंदोलनेही झाली. गॅसच्या किमतीही गगनाला भिडल्या होत्या महिलांना घरगुती गॅस परवडत नसल्याने त्यांनी रस्त्यावर चुली मांडून आंदोलनं केली. हे सर्व लक्षात घेऊन केंद्र सरकारकडून घरगुती गॅसवरही 200 रुपयांची सबसिडी जाहीर करण्यात आली आहे. त्यामुळे महागाईचे चटके सोसणाऱ्या जनलेताल आता तुर्तास का होईना थोडासा दिलासा मिळाला आहे.
