Booster dose : पुण्यात 68 ठिकाणी मिळतोय कोविडचा बूस्टर डोस, काय म्हणाले महापालिकेचे आरोग्य अधिकारी? वाचा…

पुणे : आझादी का अमृत महोत्सव (Azadi Ka Amrit Mahotsav) उत्सवाचा एक भाग म्हणून 15 जुलैपासून सरकारी केंद्रांवर प्रौढांसाठी कोविड लसीचे बूस्टर डोस (Booster dose) 75 दिवस मोफत देणार असल्याची घोषणा केंद्र सरकारने बुधवारी केली. पुणे जिल्ह्यातील 5.9 दशलक्षाहून अधिक लाभार्थींनी त्यांचा कोविड खबरदारीचा डोस घेणे बाकी आहे, असे आरोग्य विभागाच्या अधिकाऱ्यांनी सांगितले. त्यापैकी 3.1 दशलक्षाहून अधिक लाभार्थी पुणे शहरात शिल्लक आहेत. पुणे महानगरपालिका (PMC) आरोग्य विभागामार्फत चालवल्या जाणाऱ्या 68 लसीकरण केंद्रांना मोफत बूस्टर डोस उपलब्ध करून देण्यात येणार आहे. पुणे महापालिका आरोग्य विभागाच्या अधिकार्‍यांच्या मते, या लसीकरण केंद्रांमध्ये लाभार्थ्यांसाठी कोवॅक्सिन आणि कोविशील्ड दोन्ही डोस असतील. 15 जुलै 2022पासून सरकारी लसीकरण केंद्रांवर 18 वर्षांवरील नागरिकांना मोफत कोविडचा हा बूस्टर डोस दिला जात आहे.

सहा महिन्यांनंतर किंवा लसीच्या दुसऱ्या डोसनंतर 26 आठवड्यांनंतर…

सावधगिरीचा डोस सहा महिन्यांनंतर किंवा लसीच्या दुसऱ्या डोसनंतर 26 आठवड्यांनंतर घेतला जाऊ शकतो. बूस्टर डोस घेण्यापूर्वी किमान तीन महिने ज्यांना कोविडचा संसर्ग झालेला नाही, अशा लाभार्थ्यांनी ही लस घ्यावी, असे आरोग्य विभागाने सांगितले. आतापर्यंत, सावधगिरीचा डोस लसीकरण केवळ आरोग्यसेवा आणि आघाडीवर असलेल्या कामगारांसाठी आणि सरकारी केंद्रांवर 60 वर्षांपेक्षा जास्त वयाच्या लाभार्थ्यांसाठी विनामूल्य होते. 18 ते 60 वयोगटातील लाभार्थींनी जॅब घेण्यासाठी खासगी लसीकरण केंद्रांवर पैसे भरले.

‘विभागाकडे लसींचा पुरेसा साठा’

आझादी का अमृत महोत्सव उत्सवाचा एक भाग म्हणून 15 जुलैपासून सरकारी केंद्रांवर प्रौढांसाठी कोविड-19 लसीचे बूस्टर डोस 75 दिवस मोफत देणार असल्याची घोषणा केंद्राने बुधवारी केली. 15 जुलै 2022पासून सरकारी लसीकरण केंद्रांवर 18 वर्षांवरील नागरिकांना मोफत कोविड-19 खबरदारीचा हा बूस्टर डोस दिला जाईल. पुणे महापालिका आरोग्य विभागाचे लसीकरण अधिकारी डॉ. सूर्यकांत देवकर यांनी सांगितले, की विभागाकडे लसींचा पुरेसा साठा आहे. आमच्याकडे 30,000पेक्षा जास्त लसीचे डोस आहेत, ज्यात 22,000 कोविशील्ड आणि 19,000 कोव्हॅक्सिन यांचा समावेश आहे. राज्य यंत्रणेकडेही त्यांचा साठा असून लसीचा पुरवठा नियमित होईल. पुणे महापालिका हद्दीत 18 आणि त्यावरील वयोगटातील 31,33,101 लाभार्थी आहेत ज्यांना अद्याप बूस्टर डोस मिळालेला नाही, असे डॉ. देवकर म्हणाले. आतापर्यंत, शहरातील खासगी आणि सरकारी केंद्रांवर 3,49,863 लाभार्थींना बूस्टर डोस मिळाला आहे, अशी माहिती आरोग्य विभागाने दिली आहे.

हे सुद्धा वाचा

Nashik Rain: पावसामुळे नाशिक जिल्हा टँकरमुक्त; 7 तालुक्यात 34 टँकर होते सुरू; नदी, धरणं तुडूंब

ग्लोबल टीचर रणजितसिंह डिसलेंचे एकही दिवस काम नाही; चौकशी समितीचे ताशेरे; अहवाल आता टीव्ही नाईनच्या हाती

Pune suicide : नोकरी मिळणार नाही, या भीतीनं पुण्यातल्या उच्चशिक्षित तरुणानं उचललं टोकाचं पाऊल; आठव्या मजल्यावरून उडी घेत आत्महत्या

पुणे शहराच्याहद्दीतील लाभार्थी –

1. 18 ते 45 वर्षे वयोगट – 1,869,924
2. 45 ते 59 वयोगटातील – 6,86,326
3. 60 वर्षांपेक्षा जास्त – 5,76,851