पुण्यातल्या सीआयडी कार्यालयातून 4 UPS चोरीला, सफाई कामगारानेच चोरी केल्याचे उघड
पुण्यातील पाषाण रोड परिसरात असणाऱ्या सीआयडी कार्यालयातून युपीएसची चोरी झाल्याचं समोर आलं आहे.
पुणे : पुण्यातील पाषाण रोड परिसरात असणाऱ्या सीआयडी कार्यालयातून (CID Office) युपीएसची चोरी झाल्याचं समोर आलं आहे. सीआयडीच्या विशेष पोलीस महानिरीक्षकांच्या कार्यालयातून 4 युपीएस चोरीला गेलेत. दरम्यान कार्यालयात काम करणाऱ्या सफाई कामगारानेच चोरी केल्याचे निष्पन्न झालंय. (Theft In CID office in Pune)
अनंत विश्वनाथ मोरे (वय 34, रा. विधाते वस्ती, बाणेर) याच्यावर चतु:श्रृंगी पोलीस स्टेशनमध्ये गुन्हा दाखल करण्यात आलाय. दरम्यान खुद्द सीआयडी कार्यालयात अशा पद्धतीने चोरी झाल्यानं आश्चर्य व्यक्त केलं जातंय.
फिर्यादी गेल्या 4 वर्षांपासून सीआयडीत पोलीस हवालदार म्हणून कार्यरत आहेत. 8 मार्च रोजी सकाळी पोलिस उपअधीक्षक अनुजा देशमाने या कार्यालयात आल्या असता त्यांना चोरी झाली असल्याचं दिसून आलं. त्यांनी सीआयडीच्या नियंत्रण कक्षाला फोन केला. विशेष पोलिस महानिरीक्षक यांच्या कार्यालयातील युपीएस चोरीला गेल्याचं त्यांनी सांगितलं.
सफाई कामगारानेच चोरी केल्याचे निष्पन्न
त्यानंतर सीसीटीव्हीशी पडताळणी करण्यात आली. याधम्ये सफाई कामगार म्हणून काम करणारा अनंत मोरे याने युपीएस चोरुन नेल्याचे आढळून आले. त्यापैकी त्याने एक युपीएस पार्किंगमधील बाथरुममध्ये लपविला होता. पोलिस या प्रकरणाचा अधिक तपास करत आहेत.
(Theft In CID office in Pune)
हे ही वाचा :
Mansukh Hiren Death Case | एटीएसची टीम मुंब्र्यात, हिरेन मृत्यू प्रकरणाचे नाट्य रुपांतर करणार
सहा महिन्यांपूर्वी लव्ह मॅरेज, क्षुल्लक वादातून पतीकडून नवविवाहितेची हत्या
