ही लावणी अतिशय सुंदर आहे, हिला मातीमोल करू नका; लावणी कलावंत वैशाली वाफळेकर असं का म्हणाल्यात
लावणीला जपलं गेलं पाहिजे. अंगभर कपडे घालून सुंदर लावणी सादर केली जाते.
पुणे : ग्रामीण भागात यात्रा-जत्रांचा उत्सव सुरू झाला आहे. यामध्ये लावणी मोठ्या प्रमाणात सादर केली जाते. जत्रेत महत्वाचा विषय असतो. तो लोककला. लावणीवरून वाद सुरू आहेत. अशात लावणी कलावंत वैशाली वाफळेकर म्हणाल्या, नांदेड महोत्सवात प्रेक्षकांपर्यंत पोहचता येते. अंगप्रदर्शन करणाऱ्या या लावण्या योग्य नाही. चुकीचं दर्शन होते. मी लावणी दाखविते. अंगभर कपडे घालून लावणी सादर केली जाते. लावणी महाराष्ट्राची शान आहे. डोक्यावरचा ताज आहे. लावणी हे प्रेक्षकांवरचं प्रेम आहे.
अंगप्रदर्शन करणाऱ्या लावण्यांना प्रेक्षकांनी प्रतिसाद देऊ नये. आयोजकांनीही या गोष्टीला प्रतिसाद देऊ नये. ढोलकीवाद, अजेंटमेंट करणारे यांनी अशा लावणीला स्थान देऊ नये. काही दिवस हे छान वाटेल. पण, पुढं लोकं आपल्याला स्टेजवर येऊन त्रास देतील. आपल्या कुटुंबाला या गोष्टीचा त्रास होऊ शकतो, अशी भीती वैशाली वाफळेकर यांनी व्यक्त केली.
लावणीला जपलं गेलं पाहिजे. अंगभर कपडे घालून सुंदर लावणी सादर केली जाते. लावणी महोत्सवात खास महिलांसाठी कार्यक्रम घेतला होता. ही लावणी अतिशय सुंदर आहे, हिला मातीमोल करू नका, अशी विनवणीही वैशाली वाफलेकर यांनी व्यक्त केली. पुढची पिढी जपेल, अशी अपेक्षा आहे.
लावणी कलावंत गौतमी पाटील हिच्या लावणी कार्यक्रमावर बंदी घालण्याची मागणी होतेय. गौतमीच्या नृत्यात अश्लीलता असल्याचा आरोप केला जातो. तरीही गौतमीच्या कार्यक्रमांना तुफान गर्दी होते. काल सोलापुरातही खूप गर्दी झाली होती. त्यानंतर तरुणांनी राडाच घातला. तिच्यावर दुसऱ्या लावणी कलावंतांकडून टीका होतेय.
