Rajya Sabha Election 2022 Video: का नेतेगिरी वाटते तेवढी सोप्पी नाही? जगताप, शाह, टिळक एक एका नेत्याचा आजचा व्हिडीओ बघा, उत्तर मिळेल !

मुंबईः नेतेगिरी करणं आपल्याला वाटतं तेवढं सोपं नसतं. आज मुंबईत रंगलेल्या राज्यसभा निवडणुकीच्या (Rajyasabha Election) आखाड्यात हे दिसून आलं. अत्यंत चुरशीची अशी ही निवडणूक तब्बल 24 वर्षांनी होतेय. विधानसभेचे आमदार यासाठी मतदान करणार आणि यावरच राज्यसभेच्या उमेदवारांचं (Rajyasabha Candidates) भवितव्य ठरणार असल्यानं एक एक मत महत्त्वाचं आहे. प्रत्येक मताचं मूल्य कोट्यवधी रुपयांचं, त्यामुळे मत (Vote) देणाऱ्या आमदारांना चांगलाच भाव आलाय. त्यामुळेच अत्यंत आजारी, प्रवास करणं अशक्यच असतानाही अनेक आमदारांना आपल्या प्रकृतीची पर्वा न करता मतदानाला यावं लागतंय. राज्यसभेच्या मतदानाकरिता आज विधानभवनात दाखल झालेल्या आमदारांचे व्हिडिओ अत्यंत बोलके आहेत.

कर्गरोगाने त्रस्त मुक्ता टिळक मतदानासाठी हजर..

पुण्यातील कसबा पेठेच्या आमदार मुक्ता टिळक आजारी असतानाही आज मतदानासाठी आल्या. भाजप आमदार मुक्ता टिळक यांना कर्करोग झाला असून गेल्लया काही महिन्यांपासून त्यांच्यावर उपचार सुरु आहेत. मात्र आज पक्षादेशाचं पालन करण्यासाठी त्या मुंबईत मतदानासाठी दाखल झाल्या आहेत. त्यांना इथवर आणण्याची जबाबदारी गिरीश महाजन यांच्यावर सोपवण्यात आली होती.

लक्ष्मण जगताप कार्डिअॅक रुग्णवाहिकेतून आले…

पुण्याचेच पिंपरी चिंचवडचे आमदार लक्ष्मण जगताप हेदेखील मुंबईत दाखल झाले. दीड महिन्यांपासून त्यांच्यावर उपचार सुरु आहेत. सुरुवातीला ते एअर अँब्युलन्समधील येतील अशी चर्चा होती. मात्र डॉक्टरांच्या सल्ल्यानुनसार त्यांना बाय रोड मुंबईत आणलं गेलं. त्यांच्यासोबत त्यांचे बंधू शंकर जगताप आहेत.

अलीबागचे आमदार वॉकर घेऊन आले..

अलिबागचे आमदार महेंद्र दळवी यांनीदेखील प्रतिकुल परिस्थितीत मतदानाला हजेरी लावली. काही दिवसांपूर्वी त्यांच्या पायाला इजा झाली होती. त्यामुळे त्यांना चालण्यास अडचण येत होती. मात्र मतदान करण्यासाठी आज ते वॉकरच्या मदतीने चालत विधानभवनात पोहोचले.

आमदार पराग शाह यांनीही विधानभवन गाठलंच

मुंबईतील घाटकोपरचे आमदार पराग शाह यांनीदेखील प्रकृती बरी नसतानाही मतदानाचा हक्क बजावला. हातात काठी घेत भाजपच्या या आमदारांनी आज दुपारी विधानभवन गाठलं.