Satara Attack : मैत्रिणीसोबत बोलल्याच्या रागातून तरुणावर कोयत्याने वार, हल्ल्यात पीडित गंभीर जखमी

शनिवार पेठ येथे सोमवारी संध्याकाळच्या सुमारास रोहित सोनटक्के वाघाची नळी परिसरात गाडीवरून जात होता. यावेळी अचानक समोरून संशयित ऋषिकेश पंडित हा मित्रांसोबत त्या ठिकाणी आला. ऋषिकेशने रोहित सोनटक्के यास बेदम मारहाण करत कोयत्याने अंगावर वार करण्याचा प्रयत्न केला.

Image Credit source: tv9

Reporter Santosh Nalawade | Updated on: Apr 13, 2022 | 1:18 AM

सातारा : मैत्रिणीसोबत बोलत असल्याच्या रागातून एका तरुणा (Youth)वर कोयत्याने जीवघेणा हल्ला (Attack) केल्याची घटना साताऱ्यातील शनिवार पेठ येथे असलेल्या वाघाची नळी परिसरामध्ये घडली आहे. रोहित सोनटक्के असे हल्ला करण्यात आलेल्या पीडित तरुणाचे नाव असून तो मल्हारपेठ येथील रहिवासी आहे. ऋषिकेश पंडित असे संशयित आरोपीचे नाव असून तोकरंजे गावतील रहिवासी आहे. या हल्ल्यात रोहित सोनटक्के हा तरुण गंभीर जखमी झाला असून उपचारासाठी साताऱ्यातील एका खाजगी रुग्णालयात दाखल करण्यात आली आहे. याप्रकरणी शाहूपुरी पोलिस ठाण्यात गुन्हा दाखल करण्यात आला असून पोलिस प्रकरणाचा अधिक तपास करीत आहेत. (Attack on youth in Satara out of personal anger victim suffered serious injuries)

पीडित तरुण गंभीर जखमी

शनिवार पेठ येथे सोमवारी संध्याकाळच्या सुमारास रोहित सोनटक्के वाघाची नळी परिसरात गाडीवरून जात होता. यावेळी अचानक समोरून संशयित ऋषिकेश पंडित हा मित्रांसोबत त्या ठिकाणी आला. ऋषिकेशने रोहित सोनटक्के यास बेदम मारहाण करत कोयत्याने अंगावर वार करण्याचा प्रयत्न केला. यावेळी त्याने हाताने अडवण्याचा प्रयत्न केला असता त्याच्या हातावर कोयता बसल्याने तो जखमी झाला आहे. या प्रकारानंतर संबंधित संशयित आरोपी घटनास्थळावरून फरार झाला आहे. जखमीला तात्काळ स्थानिकांनी साताऱ्यातील जिल्हा शासकीय रुग्णालयात उपचारासाठी दाखल केले. मात्र युवकाला झालेले वार गंभीर असल्यामुळे त्याला पुढील उपचारासाठी एका खाजगी रुग्णालयामध्ये हलवण्यात आले आहे. यामुळे वाघाची नळी परिसरात तणावाचे वातावरण निर्माण झाले होते. या सर्व घडलेल्या घटनेची तक्रार रोहितने शाहूपुरी पोलिस ठाण्यात दिली असून या घटनेचा तपास शाहुपुरी पोलिस करत आहे. (Attack on youth in Satara out of personal anger victim suffered serious injuries)