वैयक्तिक कामं आटोपून घरी परतत होती महिला, पण वाटेतच जे घडलं ते दुर्दैवी !

ठाणे : रस्ते अपघाताच्या घटनांमध्ये सातत्याने वाढ होत आहे. वाहतुकीचे नियन कितीही कठोर केले तरी बेदकारपणे वाहन चालवणाऱ्यांना आळा घालणे कठिण झाले आहे. यामुळे अनेक निष्पापांना आपला जीव गमवण्याची वेळ येते. अशीच एक विचित्र अपघाताची घटना ठाण्यात उघडकीस आली आहे. भरधाव कार उभ्या असलेल्या मोटारसायकलला धडकली. मात्र यावेळी रस्त्यावरुन चालणारी एक महिला कार आणि मोटारयसायकलमध्ये अडकल्याने तिचा मृत्यू झाला. या घटनेमुळे नागरिकांमध्ये संताप व्यक्त होत आहे. पूजा कृष्णाजी सावंत असे 53 वर्षीय मयत महिलेचे नाव आहे. याप्रकरणी वर्तकनगर पोलिसात नोंद करण्यात आली आहे.

घरी परतत असताना कारने धडक दिली

पोलिसांनी दिलेल्या माहितीनुसार, वर्तक नगर येथील निळकंठ हाईट्स येथील रहिवासी असलेली पूजा सावंत ही महिला वैयक्तिक कामांसाठी बाहेर गेली होती. आपले काम आटोपून सदर महिला सोमवारी रात्री घरी परतत होती. यावेळी रात्री 9 वाजण्याच्या सुमारास मागून भरधाव कार आली. या कारने महिलेला धडक देत रस्त्यावर उभ्या असलेल्या बाईकला धडक दिली. या धडकेत महिला बाईक आणि कारच्या मध्ये अडकली आणि गंभीर जखमी झाली.

उपचारादरम्यान महिलेचा मृत्यू

गंभी जखमी अवस्थेत महिलेला तात्काळ खाजगी रुग्णालयात उपचारासाठी नेण्यात आले. मात्र उपचारादरम्यान तिचा मृत्यू झाला. या अपघातात अन्य दोन महिलाही जखमी झाल्या. याप्रकरणी वर्तकनगर पोलिसांनी कार चालकाला अटक केली आहे. दिवाकर शर्मा असे कार चालकाचे नाव आहे. कार चालक दारु पिऊन गाडी चालवत असल्याने त्याचे कारवरील नियंत्रण सुटले. यामुळे हा अपघात घडला. पोलीस पुढील तपास करत आहेत.

हे सुद्धा वाचा

पत्नी प्रियकरासोबत नको त्या अवस्थेत होती, तितक्यात पती आला अन्…

अंमली पदार्थ विरोधी पथकाचे अधिकारी असल्याचे सांगत तरुणाला लुटले, आरोपीची पोलीस कोठडीत रवानगी

पोलीस असल्याचे भासवून वृद्धांना फसवायचा, अखेर पोलिसांच्या जाळ्यात अडकलाच !