अंबरनाथमध्ये सर्वात मोठी लसीकरण मोहीम, 30 हजार कामगारांना दिली जाणार मोफत लस
अंबरनाथ शहराला लागून असलेल्या आनंदनगर एमआयडीसीमध्ये शहरातील सर्वात मोठी लसीकरण मोहीम सुरू झाली आहे.
ठाणे : अंबरनाथ शहराला लागून असलेल्या आनंदनगर एमआयडीसीमध्ये शहरातील सर्वात मोठी लसीकरण मोहीम सुरू झाली आहे. येथे एमआयडीसीतील कंपन्यांच्या वतीने तब्बल 30 हजार कामगारांना स्वखर्चानं लस दिली जाणार आहे. (About 30 thousand workers will be vaccinated on behalf of industrial companies Ambernath Anand Nagar MIDC)
30 हजार कामगारांना आम संघटनेच्या माध्यमातून लस
अंबरनाथच्या आनंदनगर एमआयडीसीमध्ये जवळपास 2 हजारापेक्षाही जास्त कंपन्या आहेत. संपूर्ण एमआयडीसीमध्ये मिळून 50 हजारांपेक्षा जास्त कामगार काम करतात. या कामगारांना लस देण्यासाठी कंपन्यांची संघटना असलेल्या अ‌ॅडिशनल अंबरनाथ मॅन्युफॅक्चरर्स असोसिएशन म्हणजेच आमा संघटनेनं पुढाकार घेतलाय. एमआयडीसीतील मोठ्या आणि बहुराष्ट्रीय कंपन्यांनी त्यांच्या कर्मचाऱ्यांचं लसीकरण यापूर्वी कंपनीतच करून घेतलं आहे. त्यामुळे उर्वरित स्मॉल स्केल इंडस्ट्रीजमध्ये काम करणाऱ्या जवळपास 30 हजार कामगारांना आता आम संघटनेच्या माध्यमातून लस दिली जाणार आहे.
दिवसाला किमान 2 हजार कामगारांचे लसीकरण
विशेष म्हणजे या लसीकरणाचा संपूर्ण खर्च कंपन्या उचलणार आहेत. अंबरनाथ एमआयडीसीतील आमा संघटनेच्या कार्यालयात आजपासून या लसीकरणाला सुरुवात झाली असून दिवसाला किमान 2 हजार याप्रमाणे लसीकरण केलं जाणार आहे. या लसीकरण मोहिमेत कोव्हिशील्ड ही लस जिया हॉस्पिटल या अंबरनाथच्या खासगी रुग्णालयामार्फत दिली जात आहे. यासाठी प्रत्येक लसीमागे 780 रुपये शुल्क आहे. हे संपूर्ण शुल्क कंपन्या भरणार आहेत.
महिनाभरात सर्व कामगारांचं लसीकरण पूर्ण करण्याचं उद्दिष्ट
आज या मोहिमेच्या पहिल्याच दिवशी लसीसाठी कामगारांच्या रांगा लागल्या होत्या. पुढील महिनाभरात या सर्व कामगारांचं लसीकरण पूर्ण करण्याचं आपलं उद्दिष्ट असल्याचं यावेळी आमा संघटनेचे अध्यक्ष उमेश तायडे यांनी सांगितलं.
इतर बातम्या :
अश्लील चित्रपट निर्मिती प्रकरणी गहना वशिष्ठला झटका, कोर्टाकडून दिलासा नाहीच, नेमकं काय-काय घडलं?
‘खावाले काळ, नी भूईले भार म्हणजे ठाकरे सरकार’, नंदुरबार दौऱ्यात आमदार आशिष शेलार यांचा घणाघात
Know This : जगात Crude Oil स्वस्त मग देशात Petrol Diesel Rate कमी का होत नाही?#KnowThis #PetrolDieselPrice #PetrolPriceHike @AshishsSpeak @PMOIndia @CMOMaharashtra @vishakhanikam5 pic.twitter.com/xLLjh3DN8X
— TV9 Marathi (@TV9Marathi) August 3, 2021
(About 30 thousand workers will be vaccinated on behalf of industrial companies Ambernath Anand Nagar MIDC)
