VIDEO : अंबरनाथमध्ये किरकोळ वादातून अंडापावच्या गाडीवर फ्रीस्टाईल हाणामारी, घटना सीसीटीव्हीत झाली कैद

अंबरनाथमध्ये किरकोळ वादातून अंडापावच्या गाडीवर फ्रीस्टाईल हाणामारी

Image Credit source: टीव्ही9

अंबरनाथ : किरकोळ कारणावरून अंडापावच्या गादीवर फ्रीस्टाईल हाणामारी (Freestyle Fighting) झाल्याची घटना अंबरनाथमध्ये घडली आहे. ही हाणामारीची घटना सीसीटीव्ही (CCTV)मध्ये कैद झाली आहे. याप्रकरणी शिवाजीनगर पोलीस ठाण्यात गुन्हा दाखल करण्यात आला असून पोलीस आरोपींचा शोध घेत आहेत. राम पवार, दादासाहेब पवार, गुरुनाथ सावंत, रवी शिंदे अशी हाणामारी करणाऱ्यांची नावे आहेत. पोलिसांनी आरोपींविरोधात आयपीसी 324, 504 आणि 34 प्रमाणे गुन्हा दाखल केला आहे. (Freestyle fight over Andapav’s stall due to a minor dispute in Ambernath)

किरकोळ वादातून तुंबळ हाणामारी

अंबरनाथच्या शिवाजीनगर पोलीस ठाण्याच्या हद्दीतील गायकवाड पाडा भागात 29 मार्च रोजी ही हाणामारीची घटना घडली. याठिकाणी राम पवार यांची अंडापावची गाडी आणि छोटं कँटीन आहे. या कॅन्टीनमध्ये फिर्यादी गुरुनाथ सावंत आणि रवी शिंदे हे दोघे 29 मार्च रोजी रात्री 8 च्या सुमारास नाश्ता करण्यासाठी गेले होते. तिथे गुरुनाथ यांचा मामा शिवाजी देशमुख काम करतो. त्यामुळे गुरुनाथ याने मालक वेळेवर पगार देतो का? अशी विचारणा त्याच्या मामाला केली. त्याचा अंडापाव गाडीचालक राम पवार आणि त्याचा मुलगा दादासाहेब पवार यांना राग आल्यानं या दोघांनी गुरुनाथ आणि रवी शिंदे या दोघांना मारहाण करण्यास सुरुवात केली. त्यामुळं या दोघांमध्ये तुंबळ हाणामारी झाली. हाणामारीचा हा सगळा प्रकार तिथल्या सीसीटीव्ही कॅमेरात कैद झाला आहे. याप्रकरणी शिवाजीनगर पोलिसांनी आयपीसी 324, 504 आणि 34 प्रमाणे गुन्हा दाखल केला असून आरोपींचा शोध सुरू असल्याची माहिती पोलिसांनी दिली आहे. (Freestyle fight over Andapav’s stall due to a minor dispute in Ambernath)

इतर बातम्या

Video Gadchiroli accident | गडचिरोलीत ट्रकची स्कूल व्हॅनला धडक, दहापैकी चार विद्यार्थी गंभीर जखमी

Ambernath Accident : अंबरनाथमध्ये रस्ता ओलांडताना दुचाकीच्या धडकेत वृद्धाचा मृत्यू