कल्याणमध्ये अज्ञात कारणावरून रिक्षाचालकाची धारदार शस्त्राने वार करुन हत्या
रक्ताच्या थारोळ्यात पडलेल्या अभिमान यांना गावकऱ्यांनी तात्काळ रुग्णालयात नेले. मात्र रुग्णालयात नेत असतानाच त्यांचा मृत्यू झाला. घटनेनंतर खडकपाडा पोलिसांनी घटनास्थळी धाव घेत तात्काळ पंचनामा केला.
कल्याण : अज्ञात कारणावरुन अज्ञात व्यक्तींकडून एका रिक्षा चालकाची धारदार शस्त्राने वार करुन निर्घृण हत्या केल्याची धक्कादायक कल्याणमध्ये शनिवारी पहाटे घडली आहे. अभिमान भंडारी असे हत्या झालेल्या रिक्षा चालकाचे नाव आहे. याप्रकरणी पोलीस ठाण्यात अज्ञात हल्लेखोरांच्या विरोधात गुन्हा दाखल केला असून पोलीस त्यांचा शोध घेत आहेत.
शौचाला गेले असता रिक्षा चालकावर हल्ला
अभिमान भंडारी हे कल्याण पश्चिमेतील उंबर्डे गावातील रहिवासी आहेत. भंडारी यांचा रिक्षाचा व्यवसाय आहे. नेहमीप्रमाणे भंडारी हे आज पहाटे 4 च्या सुमारास गावातील सार्वजनिक शौचालयात शौच करण्यासाठी गेले होते. यावेळी शौचालयात आधीच दबा धरुन बसलेल्या अज्ञात व्यक्तींनी त्यांच्यावर हल्ला केला. भंडारी यांच्यावर धारदार शस्त्राने सपासप वार करुन हल्लेखोर तेथून पळून गेले. या घटनेमुळे गावात एकच खळबळ उडाली आहे.
अज्ञात आरोपींविरुद्ध हत्येचा गुन्हा दाखल
रक्ताच्या थारोळ्यात पडलेल्या अभिमान यांना गावकऱ्यांनी तात्काळ रुग्णालयात नेले. मात्र रुग्णालयात नेत असतानाच त्यांचा मृत्यू झाला. घटनेनंतर खडकपाडा पोलिसांनी घटनास्थळी धाव घेत तात्काळ पंचनामा केला. तसेच अज्ञात आरोपींविरोधात हत्येचा गुन्हा दाखल केला. गुन्हेगारांचा शोध घेण्यासाठी पोलिसांची तीन पथके रवाना झाली आहेत. दरम्यान ही हत्या आर्थिक, कौटुंबिक वादातून की अन्य कोणत्या कारणातून झाली याचा पोलीस सखोल तपास करीत आहेत. (In Kalyan, a rickshaw puller was stabbed to death for an unknown reason)
इतर बातम्या
पूजा कावळे हत्याकांड: पतीच निघाला हत्येचा मास्टरमाईंड, तिघांना पोलिसांनी घेतले ताब्यात
