Bhayander Murder : मीरा-भाईंदरमध्ये हॉटेलमध्ये सात वर्षाच्या मुलीचा मृतदेह आढळला
जखमी महिला, तिचा पती आणि मुलगी गेल्या तीन दिवसापासून हॉटेल सीजनमध्ये राहत होते. मात्र तीन दिवसापासून ते रुमच्या बाहेर आलेच नाहीत. आज सकाळी हॉटेलच्या मॅनेजरने त्यांना रुम खाली करण्यास सांगितले. त्यानंतर सकाळी 10 वाजता महिलेचा पती हॉटेलमधून निघून गेला. पती हॉटेलमधून निघून गेल्यानंतर रुममधून महिलेचा ओरडण्याचा आवाज येऊ लागला.
![Bhayander Murder : मीरा-भाईंदरमध्ये हॉटेलमध्ये सात वर्षाच्या मुलीचा मृतदेह आढळला Bhayander Murder : मीरा-भाईंदरमध्ये हॉटेलमध्ये सात वर्षाच्या मुलीचा मृतदेह आढळला](https://images.tv9marathi.com/wp-content/uploads/2022/05/31050024/bhy.jpg?w=1280)
मीरा भाईंदर : काशीमीरा पोलीस ठाणे हद्दीत असलेल्या सीजन हॉटल (Season Hotel)मध्ये एक सात वर्षीय मुलीचा मृतदेह (Deadbody) आढळून आल्याची धक्कादायक घटना उघडकीस आली आहे. मुलीची आईही गंभीर जखमी (Injured) अवस्थेत खाली पडतलेली आढळली. तीन दिवांपूर्वी महिला आपल्या नवऱ्यासोबत हॉटेलमध्ये रुम घेऊन राहण्यासाठी आली होती. आज सकाळी जवळपास दहा वाजता नवरा अचानक हॉटेलमधून निघून गेला. त्यानंतर हॉटेलचे कर्मचारी रुममध्ये गेले असता मुलीचा मृतदेह आणि गंभीर जखमी महिला आढळून आली. यानंतर काशीमीरा पोलिसांना घटनेची माहिती देण्यात आली. घटनेची माहिती मिळताच काशीमीरा पोलिसांनी घटनास्थळी धाव घेत मुलीचा मृतदेह ताब्यात घेतला. मुलीचा मृतदेह शवविच्छेदनासाठी रुग्णालयात पाठवला तर जखमी आईला उपचारासाठी रुग्णालयात दाखल केले.
महिलेचा ओरडण्याचा आवाज ऐकून कर्मचाऱ्याने रुमचा दरवाजा उघडला
जखमी महिला, तिचा पती आणि मुलगी गेल्या तीन दिवसापासून हॉटेल सीजनमध्ये राहत होते. मात्र तीन दिवसापासून ते रुमच्या बाहेर आलेच नाहीत. आज सकाळी हॉटेलच्या मॅनेजरने त्यांना रुम खाली करण्यास सांगितले. त्यानंतर सकाळी 10 वाजता महिलेचा पती हॉटेलमधून निघून गेला. पती हॉटेलमधून निघून गेल्यानंतर रुममधून महिलेचा ओरडण्याचा आवाज येऊ लागला. ही महिला वाचवा वाचवा अशी ओरडत होती. महिलेचा आवाज ऐकून हॉटेलमधील कर्मचाऱ्यांनी रुमचा दरवाजा खोलून आत प्रवेश केला. आतमध्ये महिला जखमी अवस्थेत पडली होती तर तिची सात वर्षाची मुलगी मृतावस्थेत पडली होती. त्यानंतर हॉटेलच्या कर्मचाऱ्यांनी तात्काळ काशीमीरा पोलीस ठाण्यात हत्येची माहिती दिली. काशीमीरा पोलिसांनी घटनास्थळी दाखल प्रकरणाचा तपास सुरु केला. मुलीचा मृतदेह शवविच्छदेनासाठी रुग्णालयात पाठवला तर आईला रुग्णालयात उपचारासाठी दाखल केले. काशीमीरा पोलीस महिलेच्या पतीचा शोध घेत आहेत. आरोपीला अटक केल्यानंतरच त्याने हे कृत्य का केले ते स्पष्ट होईल. (The body of a seven years old girl was found in a hotel in Mira Bhayandar)