Maharashtra Breaking News LIVE 29 September 2024 : हिंदू दहशतवादाच्या विधानावर सुशीलकुमार शिंदे बोलले
Maharashtra Political News LIVE in Marathi : आज 29 सप्टेंबर 2024. देश, विदेश, राज्य पातळीवरील राजकीय, सामाजिक, आर्थिक, गुन्हेगारी क्षेत्र, क्रीडा अन् मनोरंजन क्षेत्रातील महत्वाच्या घडामोडी जाणून घ्या. तुमच्या जिल्ह्यातील, तुमच्या गावातील बातमी तुम्हाला इथे वाचायला मिळेल.
LIVE NEWS & UPDATES
-
आम्ही हिंदू आहोत, पण…प्रणिती शिंदे
“आम्ही हिंदू आहोत, मात्र धर्माच्या नावावर कधीही मत मागितलं नाही. मी कामाच्या जोरावर मते मागितली. धर्माच्या नावावर मतं मागितली नाही. कोणत्याही प्रकारची कट्टरता हा अतिरेक असतो. कोणत्याही धर्मात कट्टरता असली तरी तो अतिरेक असतो. लोकसभा निवडणुकीत यांचे लोक द्वेष पसरवत होते. ध्रुवीकरणाच्या रोगाला बळी पडू नका” असं खासदार प्रणिती शिंदे म्हणाल्या.
-
सर्व पाहिजे तर मलाच पाहिजे असं छगन भुजबळ सारखे नसावे – मनोज जरांगे पाटील
“आरक्षण हा राजकीय किंवा वादाचा मुद्दा नाही. सर्व पाहिजे तर मलाच पाहिजे असं छगन भुजबळ सारखे नसावे. आरक्षण म्हणजे शत्रुत्व असा अजेंडा भुजबळ यांनी बांधला आहे. अमित शहा शिर्डी, नागपूरला आले त्यावेळी आम्ही बोललो होतो. अमित शाह आणि फडवणीस यांना मराठ्यांना आरक्षण द्यावे लागेल. धनगर आणि धनगड आदेश काढणार असाल तर मराठा आणि कुणबी एकाच आहेत तो आदेश निवडणुकी अगोदर काढावा” असं मनोज जरांगे पाटील म्हणाले.
-
-
हिंदू दहशतवादाच्या विधानावर सुशीलकुमार शिंदे बोलले
हिंदू दहशतवाद या विधानावर सुशीलकुमार शिंदे यांचे स्पष्टीकरण. मी गृहमंत्री असताना जो रिपोर्ट माझ्याकडे आला तोच मी मांडला होता. मात्र काही लोक याबाबत चकाट्या पिटत बसतात. माझं त्यांना आवाहन आहे की, ‘माझ्याकडे या, बसा, मी तुम्हाला सांगतो नक्की काय होतं ते’
-
श्री विठ्ठल आणि रुक्मिणी मातेच्या जवळपास एक हजार वर्षांपूर्वीच्या दागिन्यांचे मूल्यांकन करण्यास सुरुवात
इसवी सन 700 ते 1892 पर्यंतच्या श्री विठ्ठल आणि रुक्मिणी मातेच्या पुरातन अँटिक दागिन्यांचे मूल्यांकन करण्यास झाली सुरुवात… श्री विठ्ठल आणि रुक्मिणी मातेला असलेल्या जवळपास 350 अँटिक दागिन्यांचे मूल्यांकन आरबीआय मान्यता प्राप्त मूल्यांकनकार पुरुषोत्तम काळे यांच्याकडून केले जात आहे… मूल्यांकन झाल्यानंतर सुरक्षेच्या दृष्टीने या सर्व दागिन्यांचा विमा देखील उतरवला जाणार आहे…
-
सोलापुरात पद्मशाली समाजाच्या अधिवेशनाला सुरुवात
अधिवेशनाला काँग्रेसच्या खासदार प्रणिती शिंदे, काँग्रेस नेते सुशीलकुमार शिंदे तसेच माकपचे माजी आमदार नरसय्या आडम आदी व्यासपीठावर उपस्थित
-
-
विधानसभा निवडणुकीआधी वंचित बहुजन आघाडी ऍक्टिव्ह मोडमध्ये
विधानसभा निवडणुकीआधी वंचित बहुजन आघाडी ऍक्टिव्ह मोडमध्ये… उल्हासनगरमध्ये आज निर्धार मेळावा… महाराष्ट्र प्रदेशाध्यक्षा रेखाताई ठाकुर आणि प्रमुख नेते सुजात प्रकाश आंबेडकर यांची उपस्थिती… मेळाव्याआधी शहरभरात बॅनरबाजी करत शक्तिप्रदर्शन…
-
वंचितचा उल्हासनगरमध्ये निर्धार मेळावा
विधानसभा निवडणुकीआधी वंचित बहुजन आघाडी अॅक्टिव्ह मोडवर आली आहे. आज उल्हासनगरमध्ये निर्धार मेळाव्याचे आयोजन करत मोठ्या संख्येत कार्यकर्त्यांचा जाहीर प्रवेश होणार आहे. मात्र जाहीर प्रवेश आणि मेळाव्या आधी उल्हासनगरमध्ये बॅनरबाजी करत वंचित बहुजन आघाडीने शक्तिप्रदर्शन केलं आहे. वंचित बहुजन आघाडीच्या महाराष्ट्र प्रदेशाध्यक्षा रेखा ठाकूर आणि प्रमुख नेते सुजात प्रकाश आंबेडकर या मेळाव्यात उपस्थित राहणार आहेत.
-
-
‘ताडोबा’ 2 ऑक्टोबरपासून नियमितपणे सुरू होणार
पावसामुळे मागील दोन महिन्यांपासून बंद असलेले ताडोबा व्याघ्र प्रकल्प पर्यटनासाठी 2 ऑक्टोबरपासून नियमितपणे सुरू होणार आहे. मात्र, ताडोबातील जिप्सी चालकांनी आपल्या प्रलंबित न्याय्य मागण्यांसाठी 1 ऑक्टोबरपासून बेमुदत बंदचे हत्यार उपसले आहे. ताडोबा अंधारी व्याघ्र प्रकल्पातील कोर क्षेत्रातील जिप्सीधारकांना 15 वर्षांची मुदतवाढ देण्यात यावी, ‘एक कुटुंब एक रोजगार’ हा नियम तत्काळ रद्द करावा या व इतर मागण्यांसाठी बेमुदत बंदचे हत्यार उपसले आहे.
-
सोलापूर विमानतळाचं आज ऑनलाइन पद्धतीने उद्घाटन
पंतप्रधान नरेंद्र मोदी यांच्या हस्ते आज सोलापूर विमानतळाचे ऑनलाइन पद्धतीने उद्घाटन होणार आहे. विमानतळाच्या उद्घाटन सोहळ्याआधी काँग्रेस आणि भाजपमध्ये आरोप प्रत्यारोप सुरु आहेत. काँग्रेस खासदार प्रणिती शिंदे आणि भाजप आमदार सचिन कल्याणशेट्टी यांच्यात आरोप प्रत्यारोप सुरु आहेत. काल खासदार प्रणिती शिंदे यांनी विमानतळाच्या उद्घाटन सोहळ्यावरून सरकारवर जोरदार टीका केली आहे.
-
हिंगोलीतील विपश्यना केंद्राचं आज भूमिपूजन
हिंगोलीतील अंतरराष्ट्रीय दर्जाच्या विपश्यना केंद्राचा आज भुमिपूजन सोहळा पार पडणार आहे. डॉ. बाबासाहेब आंबेडकर व तथागत गौतम बुद्ध यांच्या पुतळ्याचे ही भूमिपूजन केलं जाणार आहे. डॉ. बाबासाहेब आंबेडकर यांचे नातू भीमरावजी आंबेडकर यांच्या हस्ते संपन्न भूमिपूजन सोहळा होणार आहे. कळमनुरी तालुक्यातील पार्डी-मोड शिवारात संपन्न भूमिपूजन सोहळा होणार आहे. कळमनुरी विधानसभेचे आमदार संतोष बांगर यांच्या पुढाकारातून भूमिपूजन सोहळा संपन्न होणार आहे. यावेळी 251 बौद्ध भिक्खूंना चिवर दान आमदार संतोष बांगर करणार असल्याची माहिती आहे.
सोलापूर विमानतळाचं आज उद्घाटन होणार आहे. पंतप्रधान नरेंद्र मोदी यांच्या हस्ते आज सोलापूर विमानतळाचे ऑनलाइन पद्धतीने उद्घाटन होणार आहे. पंतप्रधान नरेंद्र मोदी यांच्या हस्ते आज शिवाजीनगर ते स्वारगेट या मेट्रो मार्गीकेचं देखील ऑनलाईन उद्घाटन आहे. डॉ. बाबासाहेब आंबेडकर व तथागत गौतम बुद्ध यांच्या पुतळ्याचे ही भूमिपूजन जाणार केलं जाणार आहे. यासोबतच देश, विदेश, राज्य पातळीवरील राजकीय, सामाजिक, आर्थिक, गुन्हेगारी क्षेत्र, क्रीडा अन् मनोरंजन क्षेत्रातील महत्वाच्या घडामोडी जाणून घ्या. तुमच्या जिल्ह्यातील, तुमच्या गावातील बातमी तुम्हाला इथे वाचायला मिळेल.
Published On - Sep 29,2024 9:12 AM
