Maharashtra Breaking News LIVE 11 October 2024: कल्याण पश्चिमेत महायुतीतच तिढा, माजी आमदाराकडून भाजपला इशारा
Maharashtra Political News LIVE in Marathi : आज 11 सप्टेंबर 2024. देश, विदेश, राज्य पातळीवरील राजकीय, सामाजिक, आर्थिक, गुन्हेगारी क्षेत्र, क्रीडा अन् मनोरंजन क्षेत्रातील महत्वाच्या घडामोडी जाणून घ्या. तुमच्या जिल्ह्यातील, तुमच्या गावातील बातमी तुम्हाला इथे वाचायला मिळेल.
LIVE NEWS & UPDATES
-
शिवसेना शिंदे गटाचे हेमंत पाटील नाराज असल्याची चर्चा
शिवसेना शिंदे गटाचे हेमंत पाटील नाराज असल्याची चर्चा आहे. माझं राजकीय पुनर्वसन झालं नाही, असे पाटील म्हणाले.
मला राज्यसभा किंवा विधानपरिषद देण्याचा शब्द देण्यात आला होता. वरिष्ठ शब्द पाळतील याची खात्री आहे, असे हेमंत पाटील म्हणाले.
-
पुण्यातील हिट अँड रन प्रकरणातील गाडी पोलीस ठाण्यात झाकू ठेवली
पुण्यातील कोरेगाव पार्क येथील हिट अँड रन प्रकरणातील गाडी मुंढवा पोलीस ठाण्यात आणण्यात आली असून पोलिसांनी ती गाडी झाकून ठेवली आहे.
एका आलिशान ऑडी कारने बाईकस्वाराला धडक दिली. त्यामध्ये डिलीव्हरी बॉयचा दुर्दैवी मृत्यू झाला होता. आरोपी कारचालकाल अटक करण्यात आली असून त्याची कारही पोलिसांनी ताब्यात घेतली आहे.
-
-
अमरावतीत आमदार सुलभा खोडके समर्थकांकडून काँग्रेसला डिवचण्याचा प्रयत्न….
अमरावतीत आमदार सुलभा खोडके समर्थकांकडून काँग्रेसला डिवचण्याचा प्रयत्न सुरू आहे.
अमरावतीच्या काँग्रेस भवनावासमोरच उपमुख्यमंत्री अजित पवारांच्या स्वागताचे बॅनर लावले होते. काँग्रेस कार्यालयासमोर सुलभा खोडकेंचे बॅनर लागल्याची माहिती होताच काढून टाकण्यात ते फलक काढून टाकण्यात आले.
येत्या 13 तारखेला सुलभा खोडके या अजित पवार यांच्या उपस्थित राष्ट्रवादीत प्रवेश करण्याची शक्यता वर्तवली जात आहे.
-
अमित शाह यांना महाराष्ट्र, मराठी माणसाला कमजोर करायचं आहे – संजय राऊत
हे सरकार पहिल्या दिवसापासून एकमेकांच्या छाताडावर बसलं आहे, कुणाचाही पायपोस कुणाच्याही गळ्याच- पायात नाही, अशी परिस्थिती आहे. अमित शाह यांना फक्त महाराष्ट्र, मराठी माणसाला कमजोर करायचं आहे, म्हणून त्यांनी शिवसेना आणि राष्ट्रवादी काँग्रेस पक्ष तोडला, अशी टीका राऊतांनी केली आहे.
-
फडणवीसांपेक्षा अमित शाह शिंदेंच्या जास्त प्रेमात – संजय राऊत
अमित शाह हे देवेंद्र फडणवीसांपेक्षा एकनाथ शिंदे यांच्या जास्त प्रेमात. शाह-शिंदेमध्ये प्रेम नव्हे अफेअर, लवकरच तुटेल – संजय राऊतांची घणाघाती टीका
-
-
महादेव बॅटिंग ॲप मधील मुख्य आरोपी सौरभ चंद्रकारला अटक
महादेव बॅटिंग ॲप मधील मुख्य आरोपी सौरभ चंद्रकारला दुबईमध्ये तपासयंत्रणाकडून अटक करण्यात आली आहे.
महाराष्ट्र आणि छत्तीसगडमधल्या करोडो रुपयांच्या घोटाळ्यातला सौरभ चंद्रकार हा मुख्य आरोपी आहे.
-
Maharashtra News: पुण्यात कोरेगाव पार्क परिसरात हिट अँड रनची घटना
भरधाव आलिशान कार चालकाने दुचाकीस्वाराचा बळी घेतला आहे. 21 वर्षीय डिलिव्हरी बॉयचं काम करणाऱ्या तरुणाचा मृत्यू… कारचालक दारुच्या नशेत असल्याची माहिती समोर… अपघातानंतर तपास सुरु… सीसीटीव्हीद्वारे पोलिसांनी आरोपी कारचालकाला ताब्यात घेतलं आहे…
-
-
Maharashtra News: गँगस्टर अबु सालेमच्या भेटीसाठी आलेले दोघे एटीएसच्या ताब्यात
गँगस्टर अबु सालेमच्या भेटीसाठी आलेले दोघे एटीएसच्या ताब्यात… अबू सालेमची मैत्रीण आणि परदेशी इसमाची चौकशी सुरू… गँगस्टर अबू सालेमचा सध्या नाशिकच्या कारागृहात मुक्काम… गँगस्टर अबु सालेम मुंबई साखळी बॉम्बस्फोटातील आरोपी… सालेमच्या भेटीसाठी आलेल्यांच्या चौकशीत काय समोर येतं याकडं लक्ष
-
Maharashtra News: एक देश एक निवडणूकीला केरळचा विरोध
एक देश एक निवडणूकीला केरळचा विरोध… केरळ विधानसभेत ठराव पास… एक देश एक निवडणूक निर्णय लोकशाही विरोधी असल्याचं सांगत केला विरोध
-
Maharashtra News Live : मंडलिक पिता-पुत्रांमध्ये उमेदवारीवरुन वाद
Maharashtra News Live कोल्हापूर : कागल विधानसभा मतदारसंघात उमेदवारीवरून मंडलिक पिता-पुत्रांमध्येच मत मतांतर पाहायला मिळत आहेत. माजी खासदार संजय मंडलिक यांचे पुत्र वीरेंद्र मंडलिक यांच्याकडून निवडणूक लढवण्याची तयारी केली जात आहे. माजी खासदार मंडलिक मात्र हसन मुश्रीफ यांच्या व्यासपीठावर पाहायला मिळत आहे. राज्यात पुन्हा महायुतीचा शासन यावं आणि त्यात हसन मुश्रीफ असावेत, असे वक्तव्य संजय मंडलिक यांनी केले आहे, त्यासाठी अत्यंत ताकदीने हसन मुश्रीफ यांना मदत करा, असे आवाहन केले जात आहे.
संजय मंडलिक यांचे मौजे सांगाव मधील जाहीर सभेत याबद्दलचे वक्तव्य केले आहे. संजय मंडलिक यांचे पुत्र वीरेंद्र मंडलिक यांनी मात्र महायुतीकडून उमेदवारीसाठी आग्रह धरला जात आहे. हसन मुश्रीफ यांनी लोकसभा निवडणूक मंडलिक यांना प्रामाणिकपणे मदत केला नसल्याचाही आरोप वीरेंद्र मंडलिक यांनी केला आहे.
-
Maharashtra News: कागल विधानसभा मतदारसंघात उमेदवारीवरून मंडलिक पिता-पुत्रांमध्येच मत मतांतर
माजी खासदार संजय मंडलिक यांचे पुत्र वीरेंद्र मंडलिक यांच्याकडून निवडणूक लढवण्याची तयारी… माजी खासदार मंडलिक मात्र हसन मुश्रीफ यांच्या व्यासपीठावर… राज्यात पुन्हा महायुतीचं शासन यावं आणि त्यात हसन मुश्रीफ असावेत त्यासाठी अत्यंत ताकतीन हसन मुश्रीफ यांना मदत करा… संजय मंडलिक यांचं जाहीर सभेत वक्तव्य…
-
Maharashtra News Live : नवी मुंबईत अंमली पदार्थांचा पुरवठा करणाऱ्या पोलीस कर्मचाऱ्यांना अटक
नवी मुंबई : तळोजा कारागृहात बंद असलेल्या कैद्यांना अंमली पदार्थांचा पुरवठा करणाऱ्या पोलीस कर्मचाऱ्याला पोलिसांनी अटक केली आहे.पोलिसांनी या कर्मचाऱ्याकडून गांजा, चरस 10 लाख रुपये किमतीचे ड्रग्ज जप्त केले आहेत.त्यानंतर गेल्या दोन दिवसांत घडलेल्या तीन वेगवेगळ्या घटनांमुळे पोलिसांच्या प्रतिमेवर अनेक प्रश्न उपस्थित होत आहेत.
-
Maharashtra News Live : अमरावतीत शरद पवार गटाला मोठा धक्का, २५ जणांचा राजीनामा
अमरावती जिल्ह्यात शरद पवारांच्या राष्ट्रवादीला मोठा धक्का बसला आहे. विधानसभा निवडणुकीच्या तोंडावर 25 पदाधिकाऱ्यांनी राजीनामे दिले आहेत. प्रदीप राऊत यांना जिल्हाध्यक्ष पदावरून हटवल्याने पदाधिकारी आक्रमक झाले आहेत. पाच महिन्यातच जिल्हाध्यक्ष पदावरून काढल्याने राऊत समर्थकांची नाराजी पाहायला मिळत आहे. राष्ट्रवादीमधील दुसऱ्या गटाने दबाव आणल्याने पदमुक्त केल्याचा राऊत यांनी केला आहे.
-
Maharashtra News Live : डोंबिवलीत इमारतीच्या पार्किंगमधून गाडी चोरी
डोंबिवलीत इमारतीच्या पार्किंगमधून गाडी चोरीची घटना घडली आहे. याप्रकरणी विष्णुनगर पोलीस ठाण्यात गुन्हा दाखल करण्यात आला आहे. या घटनेचा सीसीटीव्ही व्हिडीओ देऊनही अद्याप चोराचा पत्ता लागलेला नाही. 24 दिवस उलटून ही गाडीचा शोध लागत नसल्याने तक्रारदार तरुण संतप्त झाला आहे. यावेळी पोलिसांचा निषेध करत हातात पोस्टर घेत चोराला मूळ कागदपत्रे घेऊन जाण्याचे आवाहन केले जात आहे. तरुणांच्या आव्हानामुळे पोलीस सुरक्षा आणि त्याचा कार्यक्षमतेबाबत प्रश्नचिन्ह निर्माण झाले आहे.
Maharashtra News Live Update : महाराष्ट्रातील विधानसभा निवडणूक तोंडावर येऊन ठेपली आहे. त्यामुळे सध्या राजकीय घडामोडी वेगाने सुरु आहेत. यंदा महायुती विरुद्ध महाविकासआघाडी अशी लढत विधानसभा निवडणुकीत पाहायला मिळणार आहे. दरवर्षीप्रमाणे यंदाही शिवसेनेच्या दसरा मेळाव्याकडे सर्वांचेच लक्ष लागले आहे. या दसरा मेळाव्याची जय्यत तयारी केली जात आहे. तर दुसरीकडे महाविकासआघाडी आणि महायुतीत जागावाटपाच्या चर्चा सुरु झाल्या आहेत. तसेच काही पक्षांकडून उमेदवारांची घोषणाही करण्यात आली आहे. त्यातच आता इनकमिंग आऊटगोईंगही सुरु झाले आहे.
Published On - Oct 11,2024 8:46 AM