Maharashtra Breaking News LIVE 21 September 2024 : जरांगेंच्या उपोषणाला पाठिंबा देण्यासाठी बीड आणि धाराशिव बंदची हाक

Maharashtra News: राज्यात शिंदेंचं डरपोक सरकार आहे… संजय राऊतांची टीका

निवडणुका घेण्याची सरकारकडे हिंमत नाही… राज्यात शिंदेंचं डरपोक सरकार आहे… सिनेट निवडणूक दुसऱ्यांदा पुढे ढकलली… सिनेट निवडणुकीत ठाकरे गट ताकदीनं उतरली… असं वक्तव्य संजय राऊत यांनी केलं आहे.

चंद्रपुरात 7 वर्षीय मुलगा बेपत्ता

चंद्रपूर-ताडोबा मार्गावरील नवीन सिन्हाळा वसाहतीतून 7 वर्षीय मुलगा बेपत्ता झाला आहे. भावेश जरकर असं बेपत्ता झालेल्या मुलाचं नाव आहे. संध्याकाळी घराच्या मागे फिरत असतांना अचानक मुलगा बेपत्ता झाला आहे. दुर्गापूर पोलीस आणि वनविभाग मुलाचा शोध घेत आहेत.या भागात आज सकाळी एक बिबट दिसल्याने बेपत्ता मुलाला बिबट्याने उचलून नेल्याची शक्यता बळावली आहे.

अमित शाह 25 तारखेला नाशिक दौऱ्यावर

आगामी विधानसभा निवडणुकीच्या पार्श्वभूमीवर केंद्रीय गृहमंत्री अमित शाह नाशिक दौऱ्यावर येणार आहेत. 25 तारखेला अमित शहा नाशिकमध्ये बैठक घेणार आहेत. उत्तर महाराष्ट्रातील भाजप नेते आणि प्रमुख पदाधिकाऱ्यांची अमित शाहा नाशिकमध्ये बैठक घेणार आहे. उत्तर महाराष्ट्रातील जागावाटप तसेच इतर निवडणुकीच्या मुद्द्यावर बैठकीत चर्चा होणार आहे. अमित शाह यांच्या या दौऱ्यात एकनाथ खडसे संदर्भात काही निर्णय होतो का याकडे देखील लक्ष असणार आहे. गणपती नंतर एकनाथ खडसे यांच्या संदर्भात निर्णय होईल देवेंद्र फडणवीस यांनी याआधी वक्तव्य केलं होतं. एकनाथ खडसे उत्तर महाराष्ट्रातील एक महत्त्वाचे नेते मानले जातात.

नवरात्र काळात सप्तशृंगी देवी मंदिर 24 तास सुरू राहणार

नवरात्र काळात नाशिकमधील सप्तशृंगी देवी मंदिर 24 तास सुरू राहणार आहे. 3 ऑक्टोबर ते 12 ऑक्टोबर या कालावधीत नवरात्र उत्सव होणार आहे.  याच कालावधीत मंदिर भाविकांसाठी 24 तास सुरू ठेवण्याचा मंदिर प्रशासनाने निर्णय घेतला आहे. साडेतीन शक्तीपीठापैकी आद्यपीठ म्हणून सप्तशृंगी देवी मंदिराची ओळख आहे. नवरात्र काळात लाखो भाविक दर्शनासाठी सप्तशृंगी गडावर येत असतात. नांदुरी नाका ते सप्तशृंगी गड पर्यंत नवरात्र उत्सक काळात खाजगी वाहतूक देखील बंद ठेवण्याचं निर्णय घेण्यात आला आहे. नांदुरी नाका पासून सप्तशृंगी गडावर जाण्यासाठी 100 बसेचची व्यवस्था करण्यात आली आहे.

मुलीवर लैंगिक अत्याचार

गुंगीचे इंजेक्शन देऊन पुण्यात शाळकरी मुलीवर अत्याचार करण्यात आला आहे. शाळेतील तक्रार पेटीतून हा सगळा प्रकार उघडकीस आला आहे. नात्यातील एका शाळकरी मुलीला गुंगीचे इंजेक्शन देऊन अत्याचार केल्याचा प्रकार उघडकीस आलाय. याप्रकरणी पीडित मुलीच्या आईने बंडगार्डन पोलीस स्थानकात फिर्याद दिली आहे. बंडगार्डन पोलिसांनी एका तरुणाला अटक केली आहे. आरोपी 21 वर्षीय तरुण मुलीच्या नात्यातील आहे.

Maharashtra News Live : जरांगे पाटील यांच्या समर्थनार्थ आज बीड बंदची हाक

बीड – मनोज जरांगे पाटील यांच्या समर्थनार्थ आज बीड बंदची हाक

– मनोज जरांगे पाटील यांचे मागील पाच दिवसापासून उपोषण सुरूय

– जरांगे पाटलांच्या उपोषणाला पाठिंबा देण्यासाठी आज बीड जिल्हा बंदची हाक देण्यात आली

– आजचा बंद शांततेत पार पडेल अशा आश्वासन जरांगे समर्थकांनी दिले आहे

– त्याच पार्श्वभूमीवर आज बीड शहरात मोठ्या प्रमाणात पोलीस बंदोबस्त तैनात करण्यात आला

– बीड जिल्हा हा मनोज जरांगे पाटलांचे जन्म गाव असल्याने बीड मधून पहिला बंद पुकारण्यात आलाय

Maharashtra News Live : नाशिकमध्ये ५ हजार लाडक्या बहि‍णींचे अर्ज रद्द

नाशिक – ५९४५ लाडक्या बहिणींचे अर्ज तात्पुरते रद्द – तर कागदपत्रांच्या अपूर्तते अभावी ४५४ अर्ज पूर्णतः नामंजूर – नाशिक मनपा कार्यक्षेत्रात ४४८५ अर्ज प्रलंबित – लाडक्या बहिणीं’ना बँक खात्याला आधारकार्ड लिंक नसल्याचा फटका – योजनेच्या लाभार्थीच्या बैंक खात्याला आधारकार्ड लिंक असणे अनिवार्य – आधारकार्ड लिंक झाल्यानंतर अर्ज मंजूर करून योजनेची रक्कम खात्यात वर्ग केली जाणार

Maharashtra News Live : करमाळा तालुक्यात जोरदार पाऊस, शेतकरी सुखावला

करमाळा तालुक्यात जोरदार पावसाला सुरुवात

जवळपास 1 तासापासून पावसाची जोरदार बॅटिंग सुरू

अनेक दिवसांच्या विश्रांतीनंतर पावसाची हजेरी

पावसाला सुरुवात झाल्याने शेतकऱ्यांमध्ये समाधानाचे वातावरण

पहाटे साडे पाच वाजल्यापासून पाऊस सुरू

मोठ्या पावसाची होती शेतकऱ्यांना प्रतिक्षा

Maharashtra News Live : प्रसिध्द लेखक, दिग्दर्शक शरद गोरे यांची शरद पवार गटाच्या प्रदेश प्रवक्तेपदी निवड

– प्रसिध्द लेखक, दिग्दर्शक शरद गोरे यांची राष्ट्रवादी शरद पवार गटाच्या प्रदेश प्रवक्तेपदी निवड

– शरद गोरे हे अखिल भारतीय मराठी साहित्य परिषदेचे अध्यक्ष आहेत

– साहित्य क्षेत्रात गेली तीस वर्षे कार्यरत असून आता ते राजकारणातही कार्यरत झालेत

– श्री. गोरे हे शरद पवारांचे अत्यंत निकटवर्ती मानले जातात

– नुकताच त्यांनी राष्ट्रवादी काँग्रेस शरद पवार पक्षात प्रवेश केला

– दरम्यान राष्ट्रवादी काँग्रेस पक्षाचे प्रदेशाध्यक्ष जयंत पाटील यांनी प्रदेश प्रवक्तेपदाच्या निवडीचे पत्र दिले

Maharashtra News Live : मनोज जरांगेंची प्रकृती खालवली, मध्यारात्री उपचार सुरु

मनोज जरांगे यांच्या आमरण उपोषणाचा आजचा पाचवा दिवस, कालपासूनच जरांगे यांची प्रकृती खालावली होती.

यानंतर मोठ्या प्रमाणात लोकांनी त्यांना उपचार घेण्याची विनंती, मंत्री शंभूराज देसाई यांच्या विनंतीचा मान राखत घेतले उपचार

मध्यरात्री पावणेदोन वाजता मनोज जरांगे यांना डॉक्टरांकडून लावण्यात आले सलाईन