Maharashtra Breaking News LIVE 13 October 2024 : बाबा सिद्दीकी हत्या प्रकरणातील महत्वाचे अपडेट्स
Maharashtra Political News LIVE in Marathi : आज 13 सप्टेंबर 2024. देश, विदेश, राज्य पातळीवरील राजकीय, सामाजिक, आर्थिक, गुन्हेगारी क्षेत्र, क्रीडा अन् मनोरंजन क्षेत्रातील महत्वाच्या घडामोडी जाणून घ्या. तुमच्या जिल्ह्यातील, तुमच्या गावातील बातमी तुम्हाला इथे वाचायला मिळेल.
LIVE NEWS & UPDATES
-
Maharashtra News: मुंबई राज्यात कायदा – सुव्यवस्था राहिली नाही – विजय वडेट्टीवार
मुंबई राज्यात कायदा – सुव्यवस्था राहिली नाही… कालची घटना वेदना देणारी… गृहमंत्री कायदा सुव्यवस्था सांभाळण्यात अपयशी ठरले… महाराष्ट्रात पोलिसांचे 2 ग्रुप दिसतात… असं वक्तव्य देखील विजय वडेट्टीवार यांनी केलं आहे.
-
Maharashtra News: महिला, व्यापारी राजकीय नेते सुरक्षित नाहीत – संजय राऊत
महिला, व्यापारी राजकीय नेते सुरक्षित नाहीत… राज्याचे गृहमंत्री काय करत आहेत? असा प्रश्न संजय राऊत यांनी उपस्थित केला. राज्याच्या गृहमंत्र्याची काही जबाबदारी आहे की नाही? हत्यांचं सत्र राजकीय नेत्यांपर्यंत पोहोचलं आहे… असं वक्तव्य देखील संजय राऊत यांनी केलं आहे.
-
-
Maharashtra News: परतीच्या पावसाने मका पिकाचे सर्वाधिक नुकसान
मुक्ताईनगर तालुक्यात परतीच्या पावसाने मका पिकाचे सर्वाधिक नुकसान… काढणीला आलेला मका व शेतात ठेवलेला मका पूर्णपणे पावसात भिजला… बळीराजा अस्मानी संकटाने संकटात सापडला… पंचनामे करून मदतीची मागणी शेतकरी वर्गाकडून केली जात आहे…
-
अजित पवार कूपर रूग्णालयात जाणार
बाबा सिद्दिकी यांच्यावर गोळीबार झाला. यात बाबा सिद्दिकी यांची हत्या झाली. कूपर रूग्णालयात बाबा सिद्दिकी यांचं पोस्ट मार्टम केलं जाणार आहे. या ठिकाणी अजित पवार गटाचे नेते उपस्थित आहेत. स्वत: अजित पवार देखील कूपर रूग्णालयात जाणार आहेत.
-
बाबा सिद्दीकीच्या घराबाहेर कडेकोट पोलीस बंदोबस्त
बाबा सिद्दीकीच्या घराबाहेर कडेकोट पोलीस बंदोबस्त ठेवण्यात आला आहे. त्यांच्या घराबाहेरचा रस्ता बंद करण्यात आला आहे. मुंबई पोलिस आणि आर.सी.पी दलही तैनात करण्यात आले आहे. बाबा सिद्दीकी यांच्या घराबाहेर पोलिसांनी बॅरिकेड लावले असून कोणालाही आत प्रवेश दिला जात नाही. बाबा सिद्दीकी हे वरिष्ठ नेते होते, माजी मंत्री होते. त्यांचे समर्थक मोठ्या संख्येने येथे येऊ शकतात, त्यामुळे सुरक्षेच्या दृष्टिकोनातून पोलिस बंदोबस्त वाढवण्यात आला आहे.
-
-
पुणे जिल्ह्यातील घाटांमध्ये स्पॉटलाईट लावले
पुण्यातील बोपदेव घाट लैंगिक अत्याचाराच्या घटनेनंतर पुण्यातील घाट आणि टेकड्या परिसरात पोलिसांकडून स्पॉटलाईट आणि चेक पोस्ट लावण्यात आलं. विशेष करून ज्या परिसरात रात्रीच्या वेळेस तरुण-तरुणी बसतात त्या ठीकणी मोठ्या लाईट लावण्यात आल्या आहेत. बोपदेव घाट, कात्रज घाट, लोणावळा घाट अशा ठिकाणी या स्पॉटलाईट लावण्यात आल्या आहेत.
-
सलमानच्या घराबाहेर सुरक्षा वाढवली
राष्ट्रवादी काँग्रेसचे ज्येष्ठ नेते बाबा सिद्दीकी यांच्या हत्येनंतर मुंबई पोलीस सतर्क झाले आहेत. अभिनेता सलमान खानच्या घराबाहेर पोलिसांना सतर्क करण्यात आले आहे. सध्या सलमान खानच्या गॅलेक्सी अपार्टमेंट घराबाहेर सुरक्षेसाठी पोलीस तैनात आहेत.
-
-
Baba Siddique Shot Dead Live Update : आरोपींची कसून चौकशी सुरु
बाबा सिद्दिकी हत्या प्रकरणातील आरोपी करनैल सिंह आणि धर्मराज कश्यपची पोलिसांनी रात्री उशिरापर्यंत कसून चौकशी केली. देवेन भारती आणि दया नायक यांचं रात्रीपासूनच तपासावर विशेष लक्ष आहे. सकाळी दहा वाजता आरोपींचं मेडिकल चेकअप करून त्यांना कोर्टात हजर केलं जाणार आहे.
-
Baba Siddique Shot Dead Live Update : झिशान सिद्दीकींच्या घराबाहेर कडकोट बंदोबस्त
Baba Siddique Shot Dead Live Update : झिशान सिद्दीकीच्या घराबाहेर कडेकोट पोलीस बंदोबस्त ठेवण्यात आला आहे. बाबा सिद्दीकी यांच्या हत्येनंतर त्यांच्या घराबाहेर कडेकोट पोलीस बंदोबस्त ठेवण्यात आला आहे. मुंबई पोलिसांचे आर.सी.पी दलही तैनात करण्यात आले आहे. बाबा सिद्दीकी यांच्या घराबाहेर पोलिसांनी बॅरिकेट्स लावले आहेत. सध्या कोणालाही आत प्रवेश दिला जात नाही. बाबा सिद्दीकी हे ज्येष्ठ नेते होते, माजी मंत्री होते, त्यांचे समर्थक मोठ्या संख्येने येथे येऊ शकतात. त्यामुळे सुरक्षेच्या दृष्टिकोनातून पोलिस बंदोबस्त वाढवण्यात आला आहे.
-
Baba Siddique Shot Dead Live Update : बाबा सिद्दींच्या हत्याचा तपास दया नायक यांच्याकडून सुरु
Baba Siddique Shot Dead Live Update : बाबा सिद्दीकी हत्येचा तपास मुंबई गुन्हे शाखेचे पथक करत आहे. दया नायक हे गुन्हे शाखा युनिट 9 चे प्रभारी आहेत. सध्या पोलिसांनी काल रात्री दोन आरोपींना अटक केली आहे, एक आरोपी अद्याप फरार असून, पोलीस आणि गुन्हे शाखेचे पथक त्याचा शोध घेत आहे.
-
Baba Siddique Shot Dead Live Update : बाबा सिद्दीकी यांच्यावर गोळीबार करणाऱ्या तिघांपैकी दोघांना अटक
Baba Siddique Shot Dead Live Update : बाबा सिद्दिकी यांच्यावर तीन व्यक्तींनी गोळीबार केला. या प्रकरणात दोघांना ताब्यात घेण्यात आलं आहे. या प्रकरणातील तिसऱ्या आरोपीची ओळख पोलिसांना पटल्याची सूत्रांची माहिती आहे.. ताब्यात घेतलेल्या दोन आरोपींपैकी करनैल सिंह हरियाणाचा तर धर्मराज कश्यप उत्तर प्रदेशचा असल्याची माहिती आहे. बाबा सिद्दीकींच्या हत्येचा तपास बिश्नोई गँगप्रमाणेच एसआरए वादाच्याही अँगलने होणार असल्याची माहिती आहे.
-
Baba Siddique Shot Dead Live Update : बाबा सिद्दीकींचा रुग्णालयात दाखल करण्यापूर्वी मृत्यू
Baba Siddique Shot Dead Live Update : बाबा सिद्दीकी यांच्यावर शनिवारी (१२ ऑक्टोबर) रात्री 9.15 च्या सुमारास गोळीबार झाला. बाबा सिद्दीकी हे त्यांचे पुत्र आमदार झिशान सिद्दीकी यांच्या वांद्र्यातील कार्यालयाजवळ असताना त्यांच्यावर सहा गोळ्या झाडण्यात आल्या. त्यातील एक गोळी बाबा सिद्दिकी यांच्या छातीत लागली. तर एक गोळी ही त्यांच्या सहकाऱ्याच्या पायाला लागली. या दोघांना उपचारासाठी रुग्णालयात दाखल करण्यात आलं. मात्र रुग्णालयात दाखल करण्यापूर्वी बाबा सिद्दीकी यांचा मृत्यू झाला होता.
Baba Siddique Shot dead Live Update : अजित पवार गटाचे नेते बाबा सिद्दीकी यांच्यावर वांद्रे येथील खेरवाडी जंक्शनच्या परिसरात गोळीबार करण्यात आला. या गोळीबारात बाबा सिद्दीकी यांचा मृत्यू झाला. या घटनेनंतर राजकीय वर्तुळात खळबळ उडाली आहे. बाबा सिद्दीकी यांच्यावर झालेल्या हल्यानंतर पोलीस आणि गृहखात्याच्या कारभारावर प्रश्नचिन्ह उपस्थित केले जात आहेत. सध्या बाबा सिद्दीकी यांचा मृतदेह शवविच्छेदनासाठी कूपर रुग्णालयात नेण्यात आला आहे. या शवविच्छेदनानंतर बाबा सिद्दीकी यांच्यावर अंत्यसंस्कार केले जातील. बाबा सिद्दीकी यांच्या हत्येनंतर सध्या वांद्रे परिसरात तणावाचे वातावरण पाहायला मिळत आहे. ठिकठिकाणी मोठी बॅनरबाजीही करण्यात आली आहे.
Published On - Oct 13,2024 7:59 AM