Washim Loudspeaker | परवानगीशिवाय भोंगे लावू नये; वाशिम पोलिसांचे परिपत्रक, जाणून घ्या कुठे आवाजाची किती मर्यादा?

वाशिम : सुप्रीम कोर्टाच्या (Supreme Court) आदेशानुसार कुठल्याही धार्मिक स्थळी पोलीस प्रशासनाची परवानगी घेतल्याशिवाय लाऊडस्पीकर किंवा भोंगे लावू नये. नियमानुसार परवानगी घेतल्यानंतर लाऊडस्पीकर लावावे असे परिपत्रक (Circular) वाशिम पोलीस अधीक्षक (Superintendent of Police) बच्चन सिंह यांनी काढले आहे. विनापरवानगी लाऊडस्पीकर लावल्यास नियमानुसार कायदेशीर कारवाई करण्यात येईल, असं पोलीस अधीक्षकांचं म्हणणय. वाशिम जिल्ह्यात संस्था, धार्मिक स्थळे, प्रासंगिक सांस्कृतिक, धार्मिक कार्यक्रमाच्या ठिकाणी लाउडस्पिकरचा वापर होतो. अशा ठिकाणी लाउडस्पिकर लावण्याकरिता वाशिम पोलीस दलाची परवानगी घेणे बंधनकारक आहे. सर्वोच्च न्यायालयाचे निर्देश आणि ध्वनिप्रदूषण (विनियमन व नियंत्रण) अधिनियम 2000 मधील तरतुदींच्या अधीन राहून अटी व शर्ती पूर्ण करणाऱ्यांना लाउडस्पिकर लावण्याची परवानगी देण्यात येणार आहे. भोंग्यांच्या आवाजावर मर्यादा आहे. त्या मर्यादेचे पालन आवश्यक आहे. यासाठी वाशिम पोलीस अधीक्षकांनी परिपत्रक काढलं. या नियमांचं पालन आवश्यक असल्याचं ते म्हणाले.

ध्वनीपातळीच्या मर्यादेचे पालन करणे बंधनकारक

1. दिवसा – औद्योगिक क्षेत्र- 75. डी.बी (ए) एल इ क्यु मर्यादित
2. दिवसा – व्यापारी क्षेत्र- 65 डी.बी.एल इ क्यु मर्यादित
3. दिवसा – निवासी क्षेत्र- 55 डी.बी. एल इ क्यु मर्यादित
4. दिवसा – शांतता क्षेत्र -50 डी. बी. एल इ क्यु मर्यादित
हे सुद्धा वाचा



Buldana tree | शेगाव तालुक्यात रस्त्यावरील वृक्षांचा वाली कोण? आग लावून वृक्षतोडीचे प्रकार वाढलेत



Bhandara : बँन्डबाजा घेऊन आला, पण आल्या पावली नवरदेव परतला! का? कारण कौतुकास्पद आहे!



Nagpur Crime | आधी शरीरसंबंधात बाध्य करायचं नंतर खंडणी उकळायचं, नागपुरातील बबली-बंटी पोलिसांच्या जाळ्यात

5. रात्री – औद्योगिक क्षेत्र- 70. डी.बी. (ए) एल इ क्यु मर्यादित
6. रात्री – व्यापारी क्षेत्र- 55. डी.बी.एल इ क्यु मर्यादित
7. रात्री – निवासी क्षेत्र- 45 डी.बी. एल इ क्यु मर्यादित
8. रात्री – शांतता क्षेत्र -40 डी. बी. एल इ क्यु मर्यादित