Yavatmal Murder | शेतीच्या हिस्सावरून भाऊबंदकीत वाद; यवतमाळात लहान्याने पाडला मोठ्याचा मुडदा, चाकूने सपासप वार
दोघांतही चांगलीच बाचाबाची झाली. याचे पर्यावसान चाकू काढण्यापर्यंत गेले. राहुल हा मोठा भाऊ. सतीश हा लहान भाऊ. या वादात सतीशने म्हणजे लहान भावाने राहुलवर म्हणजे मोठ्या भावावर चाकूने सपासप वार केले.
यवतमाळ : शेती हिस्से वाटणीच्या कारणातून लहान भावानेच केला मोठ्या भावाचा खून केला. ही घटना यवतमाळ शहरातील मालीपुरा (Malipura) भागात सकाळी अकरा वाजता घडली. माळीपुरा येथील राहुल मनोहर बाचलकर (Rahul Bachalkar) (वय 36 ) असे मृतकाचे नाव आहे. मृतक व लहान भावात नेहमीच शेतीच्या हिस्से वाटपाच्या कारणावरून वाद होत होते. आज सकाळी याच कारणावरून मृतक राहुल मनोहर बाचलकर यांच्यासोबत वाद झाला. यात लहान भावाने चाकूने वार केले. यात त्याचा घटनास्थळीच मृत्यू झाला. आरोपी सतीश मनोहर बाचलकर (वय 30 वर्षे) पोलिसांच्या ताब्यात आहे. गुन्हा नोंद करण्याची प्रक्रिया सुरू आहे. या घटनेचा पुढील तपास यवतमाळ शहर पोलीस (Yavatmal City Police) ठाणे करीत आहे.
अशी घडली घटना
मालीपुऱ्यात राहणारे राहुल आणि सतीश बाचलकर हे दोन भाऊ. यांच्या शेतजमिनीच्या हिस्स्यावरून वाद होता. हा वाद आज सकाळी अकराच्या सुमारास पुन्हा उभाळून आला. दोघांतही चांगलीच बाचाबाची झाली. याचे पर्यावसान चाकू काढण्यापर्यंत गेले. राहुल हा मोठा भाऊ. सतीश हा लहान भाऊ. या वादात सतीशने म्हणजे लहान भावाने राहुलवर म्हणजे मोठ्या भावावर चाकूने सपासप वार केले.
घटनास्थळी विदारक चित्र
घटना घडली त्याठिकाणी रक्त सांडलेलं होतं. मृतकाचं शरीर शवविच्छेदानासाठी रुग्णालयात पाठविण्यात आलं. आरोपीला यवतमाळ पोलिसांनी ताब्यात घेतलं. त्यानंतर घटनास्थळी पोलीस बंदोबस्त लावण्यात आला. कुटुंबातील एकाचा मुडदा पडाल्यानं तणावाचं वातावरण होतं. रडण्याचा आवाज ऐकू येत होता. शेतीचा छोटासा तुकडा कमी-जास्त झाला. तरी यातून असा वादाच्या घटना घडतात. अशीच विदारक ही घटना. छोट्याशा कारणातून शेवटी एक जीव गेला.
