Yavatmal Crime | यवतमाळच्या पाटीपुऱ्यात गँगवार, कारागृहातून पॅरोलवर आलेल्या युवकाची हत्या, दोघे जण गंभीर जखमी
आरोपी हा कारागृहातून पॅरोलवर आला होता. दारू पित असताना वाद झाला. हा वाद सोडविण्याच्या भानगडीत दोन गटांत वाद झाला. या वादातून तीन जणांवर हल्ला करण्यात आला. यात एकाचा खून झाला.
यवतमाळ : जन्मठेपेची शिक्षा भोगत असताना कोविड काळात अमरावती येथील कारागृहातून (Jail at Amravati) पॅरोलवर बाहेर आलेल्या आरोपीचा खून करण्यात आला. दोन जणांवर प्राणघातक हल्ला केल्याची घटना यवतमाळच्या पाटीपुरा येथील जयभीम चौकात (Patipura Jaybhim Chowk) घडली. पाटीपुरा जयभीम चौकात 7 ते 8 जण मद्य घेत होते. यावेळी दोन जणांमध्ये वाद झाला. हा वाद मिटवण्यासाठी दोन्ही गट समोरासमोर आले. यावेळी शाब्दिक बाचाबाची झाली. 9 जणांच्या टोळक्याने 3 जणांवर खुनासह प्राणघातक हल्ला केला. जन्मठेपेची शिक्षा भोगत असलेला व पॅरोलवर बाहेर आलेला वैभव नाईक (Vaibhav Naik) याचा खून करण्यात आला. सुहास अनिल खैरकार (वय 26, रा. अशोकनगर), नयन नरेश सौदागर (वय 22, विठ्ठलवाडी, यवतमाळ) हे दोघे हल्ल्यात गंभीर जखमी झाले आहेत.
आरोपींच्या शोधासाठी पोलीस पथक रवाना
याबाबत यवतमाळ शहर पोलीस ठाण्यात आदेश अनिल खैरकार (वय 24, रा. अशोकनगर) याने तक्रार दिली. यात शुभम वासनिक, बंटी पटाळे, करण तिहीले, अर्जुन तिहीले, रोशन उर्फ डीजे नाईक, प्रथम रोकडे, अभी कसारे व इतर 3 जण अश्या 10 जणांविरुद्ध खून व हल्ला प्रकरणी गुन्हा नोंदविण्यात आला. या खून व हल्ला प्रकरणातील आरोपीच्या शोधासाठी पोलिसांचे पथक रवाना झाले आहेत.
अशी घडली घटना
आरोपी हा कारागृहातून पॅरोलवर आला होता. दारू पित असताना वाद झाला. हा वाद सोडविण्याच्या भानगडीत दोन गटांत वाद झाला. या वादातून तीन जणांवर हल्ला करण्यात आला. यात एकाचा खून झाला. तर दुसरे दोघे गंभीर जखमी झालेत. जखमींना रुग्णालयात दाखल करण्यात आले. काही दिवसांपासून शांत असलेल्या गॅंगवारने पुन्हा डोके वर काढल्याचे या घटनेवरून दिसून येत आहे.
