Bharat Bandh Today Live : कृषी कायद्यांच्या विरोधात शेतकऱ्यांचा ‘भारत बंद’, दिल्ली गाजीपूर रस्त्यावर चक्काजाम, 32 ठिकाणाच्या रेल्वे रुळावर ठाण, रेल्वे सेवेवर परिणाम

शेतकरी आंदोलनाच्या पार्श्वभूमीवर टिकरी बॉर्डर, पंडित श्री राम शर्मा, बहादुरग़ सिटी आणि ब्रिगेडिअर होशियार सिंह मेट्रो स्टेशनचे एन्ट्री आणि एक्झिट गेट बंद असल्याची माहिती, दिल्ली मेट्रो रेल कॉर्पोरेशनने दिली आहे.

कृषी कायद्याविरोधी शेतकऱ्यांच्या आंदोलनाला आता जवळपास चार महिने पूर्ण झालेत. भारत बंदमध्ये अनेक लोकांचा , व्यापाऱ्यांचा, संस्थांचा आम्हाला सहकार्य मिळतंय. यामुळे सरकारला एक संदेश जाईल. सरकारशी संवाद साधण्याकरिता आम्ही 24 तास तयार आहोत, असं शेतकरी नेते राजवीर सिंह म्हणाले.

मुंबई –

एनसीबीची मोठी कारवाई

मुंबईतील सर्वात मोठा ड्रग्स सप्लायर फारुख बटाटा याचा मुलगा शादाब बटाटा याला अटक

काल रात्री केली अटक

दोन कोटी रुपयांचे एमडी ड्रग्स जप्त

लोखंडवाला , वर्सोवा आणि मीरा रोड येथे एनसीबीची कारवाई

पुणे –

– सावित्रीबाई फुले पुणे विद्यापीठाच्या काही परीक्षांचे वेळापत्रक जाहीर,

– कोरोनाच्या पार्श्वभूमीवर पुणे विद्यापीठाशी संलग्न महाविद्यालयांमधील विद्यार्थ्यांच्या परीक्षा ऑनलाइन पद्धतीने घेण्याचा निर्णय,

– तसेच २५ एप्रिल रोजी विद्यापीठातर्फे परीक्षांचे वेळापत्रक जाहीर केले जाईल,

– त्यानुसार विद्यापीठाच्या संकेतस्थळावर ११ एप्रिल ते २५ एप्रिल या कालावधीत घेतल्या जाणाऱ्या परीक्षांचे सविस्तर वेळापत्रक प्रसिद्ध करण्यात आले आहे,

– शारीरिक शिक्षण पदवी व पदव्युत्तर अभ्यासक्रमाच्या परीक्षा ११ एप्रिल ते २२ एप्रिल या कालावधीत,

– विधी पदवी व पदविका अभ्यासक्रमाच्या परीक्षा १० ते १७ एप्रिल दरम्यान,

– शारीरिक शिक्षण अभ्यासक्रमाच्या परीक्षा १० ते २० एप्रिल

– जर्नालिझम अँड मास कम्युनिकेशन या विषयांच्या परीक्षा १० ते २५ एप्रिल या कालावधीत घेतल्या जाणार आहेत

आंदोलनकर्त्या शेतकऱ्यांकडून भारत बंदच्या पार्श्वभूमीवर गाजीपूर सीमा बंद, शेतकरी रस्त्यावर उतरले

शेतकऱ्यांच्या भारत बंदच्या पार्श्वभूमीवर दिल्ली ते गाझियाबाद दरम्यानचा रस्ता बंद, गाझीपूर (दिल्ली-उत्तर प्रदेश) सीमेवर एनएच -24 दोन्ही बाजूंनी बंद