Chandipur Election Result 2021 LIVE : चांदीपूर विधानसभेत भाजप आणि तृणमूलमध्ये कांटे की टक्कर

Chandipur Election Result 2021 LIVE

कोलकाता : पश्चिम बंगालमध्ये (West Bengal) विधानसभेच्या 294 जागांसाठी नुकतीच निवडणूक पार पडली. या निवडणुकीनंतर आता संपूर्ण देशाचं लक्ष या निवडणुकीच्या निकालाकडे लागलं आहे. विशेष म्हणजे काही महत्त्वाच्या जागांवर भाजप आणि तृणमूल काँग्रेस यांच्यात चुरशीची लढत पाहायला मिळणार आहे. त्यापैकीच एक महत्त्वाचा मतदारसंघ म्हणजे चांदीपूर विधानसभा (Chandipur Election Result 2021 LIVE).

या मतदारसंघातून एकूण 7 उमेदवार उभे आहे. या मतदार संघात तृणमूल काँग्रेसने सोहम चक्रवर्ती (Soham Chakraborty) यांना उमेदवारी दिली आहे. तर भाजपने पुलक कांती गुरिया (Pulak Kanti Guria) यांना उमेदवारी दिली आहे. तसेच मार्क्सवादी कम्युनिस्ट पार्टीनेदेखील या मतदार संघात आपला उमेदवार दिला आहे. माकपकडून आशीष कुमार गुछैत (Ashis Kumar Guchhait) यांना निवडणुकीचं तिकीट मिळालं आहे. या तिघांसह आणखी चार उमेदवार निवडणुकीच्या रिंगणात उतरले आहेत. परंतु या मतदार संघात खरी टक्कर ही भाजप आणि तृणमूल काँग्रेसमध्ये पाहायला मिळणार असल्याचे बोलले जात आहे.

चांदीपूर मतदारसंघाची 2016 ची लढत

गेल्या 10 वर्षांपासून या मतदार संघात सत्ताधारी टीएमसी पक्षाची सत्ता आहे. 2016 च्या विधानसभा निवडणुकीत टीएमसीचे अमियकांती भट्टाचार्य येथून दुसऱ्यांदा आमदार म्हणून निवडून आले होते. त्यांनी कम्युनिस्ट पार्टी ऑफ इंडियाच्या (मार्क्सवादी) मंगल चॅटर्जी यांना 9 हजार 654 मतांच्या फरकाने पराभूत केलं होतं. अमियकांती भट्टाचार्य यांना येथे एकूण 95 हजार 982 मते मिळाली होती, तर मंगल चॅटर्जी यांना 86 हजार 328 मतं मिळाली होती. तर या मतदार संघात भारतीय जनता पक्ष तिसऱ्या क्रमांकावर होता. भाजपच्या उमेदवाराला या मतदार संघात 10 हजारांच्या आसपास मतं मिळाली होती.

विधानसभा क्षेत्रातील मतदारांची संख्या

2016 च्या निवडणुकीवेळी या मतदार संघातील मतदारांची संख्या एकूण 2 लाख 23 हजार 472 इतकी होती. त्यापैकी एकूण 1 लाख 98 हजार 738 मतदारांनी मतदानाचा अधिकार बजावला होता. संपूर्ण विधानसभा मतदारसंघात मतदानासाठी एकूण 252 बूथ तयार करण्यात आली होते. या मतदार संघात 89 टक्क्यांहून अधिक मतदान झाले होते.

2011 मध्ये पहिल्यांदाच चांदीपूर विधानसभा मतदारसंघाची रचना करण्यात आली होती. पहिल्याच निवडणुकीत टीएमसीने बाजी मारली होती. अमियकांती येथून पहिल्यांदाच आमदार म्हणून निवडून गेले. चंदीपूर विधानसभा मतदारसंघ त्रिपुरा पूर्व लोकसभा मतदारसंघात येतो.

गेल्या निवडणुकीचे आकडे

• सध्याचे आमदार : अमियकांती भट्टाचार्जी
• एकूण मिळालेली मतं : 95 हजार 982
• मतदारसंघातील एकूण मतदार : 2 लाख 23 हजार 472
• वोटर टर्नआउट : 88.93 टक्के
• एकूण उमेदवार : 7

(Chandipur election result 2021 live counting and updates West Bengal Chandipur Assembly MLA seat Amiya Kanti Bhattacharya candidate Party Winner Naame latest news in Marathi)