Lok Sabha Election 2024 : अरे देवा, मतदान ओळखपत्रचं हरवलं? तरीही करता येणार मतदान

Voter ID : देशभरात लोकसभा निवडणुकीची धामधूम सुरु आहे. पहिल्या टप्प्यातील प्रचाराचा तोफा थंडावल्या आहेत. त्यानुसार उद्यापासून 19 एप्रिलपासून पहिल्या टप्प्यातील मतदान होत आहे. त्यात जर तुमचे निवडणूक ओळखपत्र सापडत नसेल तरी तुम्हाला मतदानाचा अधिकार बजावता येणार आहे...

मतदान ओळखपत्रं हरवलं तरी करता येणार मतदान

KALYAN DESHMUKH | Updated on: Apr 18, 2024 | 10:17 AM

लोकसभा निवडणुकीत पहिल्या टप्प्यातील प्रचाराचा धुराळा बसला. आता उद्या देशभरातील काही मतदारसंघात मतदानाचा यज्ञ होईल. प्रत्येकजण उद्याच्या लोकशाही उत्सवात सहभागी होण्यासाठी उत्सूक आहे. पण काही जणांना त्यांचे मतदान कार्ड, ओळखपत्रच सापडत नसल्याने ते खट्टू झाले आहेत. त्यांनी नाराज होण्याची गरज नाही. कारण त्यांना वोटर आयडी, मतदान कार्ड नसलं तरी मतदान करता येणार आहे. पण त्यासाठी ही कागदपत्रं जवळ बाळगणे आवश्यक आहे. कोणती आहेत ही कागदपत्रं? जाणून घेऊयात..

102 मतदारासंघात लोकशाहीचा उत्सव

Lok Sabha Election 2024 मध्ये पहिल्या टप्प्यात देशातील 102 मतदारासंघात लोकशाहीचा उत्सव पाहायला मिळले. देशातील 21 राज्य आणि केंद्रशासित प्रदेशात मतदान प्रक्रिया पार पडणार आहे. त्यासाठी सुरक्षा बंदोबस्त करण्यात आला आहे. नागरिकांनी मोठ्या प्रमाणात मतदान करावे असे आवाहन पण करण्यात आले आहे. त्यामुळे यंदा मोठ्या प्रमाणात मतदान होण्याचा अंदाज आहे.
महाराष्ट्रात एकूण 5 टप्प्यात लोकसभा निवडणुकीसाठी मतदान होईल. 19 एप्रिल, 26 एप्रिल, 7 मे, 13 मे आणि 20 मे रोजी मतदान होणार आहे. मतदान करण्यासाठी अर्थात तुमच्याकडे मतदान कार्ड असणे आवश्यक आहे. मतदान केंद्रावर गेल्यावर तुमच्या ओळखीचा पुरावा म्हणून मतदान कार्ड मागितले जाते. निवडणूक आयोग मतदान कार्ड देते. त्यासाठी विहित प्रक्रिया आहे.

तरीही करता येणार मतदान

हे सुद्धा वाचा

जर तुमचे मतदान कार्ड हरवलं असेल तर तुम्हाला मतदान करता येतं का? असा प्रश्न अनेकांच्या मनात घोळत असतो. त्याविषयी निवडणूक आयोगाने खास सूचना दिल्या आहेत. त्यानुसार तुमच्याकडे मतदान कार्ड नसेल. Electors Photo Identity Card (EPIC) हरवलं असल्यास तुम्हाला मतदान करता येते. तुम्हाला मतदानाचा अधिकार बजावता येतो. त्यासाठी काही कागदपत्रे मात्र, मतदान करतेवेळी सोबत बाळगणे आवश्यक आहेत.

ही कागदपत्रं आहेत गरजेची