पुतणीच्या लग्नात नाचतानाच काकाचा झाला मृत्यू, लग्नघरात पसरली शोककळा ! Video व्हायरल

रायपूर : छत्तीसगडमधील भिलाई येथून एक वेदनादायक घटना समोर आली आहे. तिथे लग्न समारंभात (dancinng at wedding) डान्स करताना एका व्यक्तीला आपला जीव गमवावा (man died while dancing) लागला. मृत व्यक्ती त्यांच्या पुतणीच्या लग्नात डान्स करत होते. मात्र नाचता-नाचताच त्यांना हृदयविकाराचा झटका (heart attack) आला आणि स्टेजवरच झाला खाली कोसळले. या घटनेचा व्हिडिओ सोशल मीडियावर व्हायरल होत आहे. मृत दिलीप दल्ली हे राजहरा येथील विद्युत अभियांत्रिकी विभागात सहायक अभियंता होते.

52 वर्षीय दिलीप स्टेजवर पंजाबी गाण्यांवर जबरदस्त डान्स करत असल्याचे व्हायरल व्हिडिओमध्ये स्पष्टपणे दिसत आहे. त्यांच्यासोबत वधू-वरही नाचत होते.. दिलीप अतिशय उत्साहाने नाचत होते. मात्र एवढ्या आनंदाच्या, उत्साहाच्या क्षणी एका झटक्यात असा दुर्दैवी प्रकार घडेल हे कोणालाच कळले नाही.

नाचता-नाचताच झाला मृत्यू

नातेवाईकांनी दिलेल्या माहिती नुसार, दिलीप हे 4 मे रोजी भाचीच्या लग्नासाठी गावी आले होते. लग्न लागल्यावर आनंदाच्या वातावरणात ते स्टेजवर जोरदार नाचत होते. अचानक त्यांना वेदना जाणवू लागल्याने ते स्टेजवर बसले पण थोड्या वेळाने ते खाली पडले. आजूबाजूला उपस्थित असलेल्या सर्व नातेवाइकांनी त्याला उचलून तपासणीसाठी रुग्णालयात नेले.

BSP इंजीनियर को शादी में नाचते-नाचते आया हार्ट अटैक… हो गई मौत pic.twitter.com/vSg1wnWVOj

— maharashtra mandal (@maharashtraman5) May 10, 2023

नाचताना आला हृदयविकाराचा झटका

शवविच्छेदनानंतर मृतदेह नातेवाईकांच्या ताब्यात देण्यात आला आहे. दिलीप यांच्या पश्चाक पत्नी व दोन मुली आहेत. या घटनेनंतर विवाहितेवर आणि लग्नघरातील सर्वांवरच शोककळा पसरली आहे. रडून रडून नातेवाइकांची अवस्थाही वाईट झाली आहे. डॉक्टरांच्या म्हणण्यानुसार त्यांना हृदयविकाराचा झटका आला होता त्यामुळे त्यांचा दुर्दैवी मृत्यू झाला.