सुसाट, सुरक्षित आणि सुविधा…. ‘वंदे भारत’ एक्सप्रेसचं मोदींच्या हस्ते उद्घाटन, टॉप 9 वैशिष्ट्यं वाचाच !

वंदे भारत ट्रेनचं पंतप्रधान नरेंद्र मोदींच्या हस्ते उद्धाटन

Image Credit source: twitter

मुंबईः सुसाट, सुरक्षित आणि सुविधायुक्त अशी आहे या सेमी हाय स्पीड रेल्वेची (High speed railway) ओळख. मुंबई-अहमदाबाद-गांधीनगर या मार्गावरील बहुचर्चित वंदे भारत एक्सप्रेस (Vande Bharat Express) आज पहिल्यांदा धावली. पंतप्रधानांच्या हस्ते उद्घाटन झालं. नरेंद्र मोदी (Narendra Modi) यांनी गुजरात दौऱ्याच्या दुसर्या दिवशी ट्रेनला हिरवा झेंडा दाखवला. ट्रेनची पहिली फेरी गांधीनगरहून सुरु झाली. उद्यापाससून म्हणजेच 1 ऑक्टोबरपासून ही ती नियमितपणे मुंबई सेंट्रवरून धावेल.

1. चेन्नईतल्या इंटीग्रल कोच फॅक्टरीत फक्त 18 महिन्यांत ही ट्रेन तयार झाली.
   ताशी 160 किमी एवढ्या वेगानं ही ट्रेन सुसाट धावू शकते. काही सेकंदातच वेग पकडते. म्हणूनच वेग आणि सुविधांचे निकष पाहिले तर भारतीय रेल्वेची ही मोठी झेप मानली जातेय.
2.  ट्रेनमध्ये ऑटोमॅटिक दरवाजे, जीपीएस आधारीत ऑडिओ व्हिज्युअल प्रवासी सूचना प्रणाली, मनोरंजनासाठी ऑनबोर्ड हॉटस्पॉट, वायफाय सुविधा आहेत.
3. सर्वात महत्त्वाचं म्हणजे या ट्रेनमध्ये 180डिग्रीत फिरणारे सीट आहेत. तसेच साइड रिक्लायनरलची सुविधा आहे.
4. सुरक्षेसाठी कोचच्या बाहेर रिव्ह्यू कॅमेरे, चार प्लॅटफॉर्म साइड कॅमेरे लावले आहेत. नियंत्रणासाठी नव्या कोचमध्ये सेफ्टी इंटिग्रेशन सर्टिफिकेशन आहेत.
5. विशेष म्हणजे ट्रेनमध्ये अटेंडंट कॉल बटण, बायो टॉयलेट, ऑटोमॅटिक डोअर, सीसीटीव्ही कॅमेरे, रिक्लायनिंग सुविधा आणि आरामदायी सीट आहेत..

पहा Next Gen Train–

6. देशातली ही तिसरी वंदे भारत रेल्वे आहे. यापूर्वी नवी दिल्ली- कटरा आणि नवी दिल्ली ते वाराणसी या दोन मार्गांवर ही ट्रेन सुरु करण्यात आली आहे.

7.  वंदे भारत सुपरफास्ट एक्सप्रेस अहमदाबादहून दुपारी 2 वाजता निघेल. त्याच दिवशी संध्याकाळी 7.35 वाजता मुंबई सेंट्रलला पोहोचेल. मुंबई सेंट्रवरून सकाळी 6.20 वाजता ही ट्रेन असेल. दुपारी 12.30 वाजता ती गांधीनगरला पोहोचेल. रविवारी या ट्रेनला सुटी असेल.

8. ही ट्रेन जेवढी लक्झरी आहे. तसा तिकिटांच्या दरातही फरक आहे. मुंबई ते सूरत चेअर कारचं भाडं 690रुपये आहे.

9. मुंबई ते वडोदरा हे तिकिट 900 रुपये असेल. मुंबई ते अहमदाबाद हे तिकिट  1060 रुपये आहे. एक्झिक्युटिव्ह क्लासचे दर आणखी जास्त असणार आहेत.