Sign In

By signing in or creating an account, you agree with Associated Broadcasting Company's Terms & Conditions and Privacy Policy.

Delhi Drugs Seized : पोटातील 181 कॅप्सूलमध्ये सापडले 28 कोटींचे कोकेन; दिल्ली विमानतळावर युगांडातून आलेल्या दोघींना अटक

चार दिवसांनंतर, 26 मे रोजी दुसरी महिला युगांडातून आली. संशयावरून तिचीही तपासणी केली असता तिच्या पोटात 101 कॅप्सूल लपविल्याचे आढळून आले. त्यावर सीमाशुल्क अधिकाऱ्यांनी संशयाच्या आधारे त्या महिलेची चौकशी केली. त्यावेळी महिलेने पोटात कॅप्सूलमध्ये कोकेन लपवल्याचे मान्य केले. महिलेच्या पोटातील कॅप्सूलमध्ये सुमारे 891 ग्रॅम कोकेन होते.

Delhi Drugs Seized : पोटातील 181 कॅप्सूलमध्ये सापडले 28 कोटींचे कोकेन; दिल्ली विमानतळावर युगांडातून आलेल्या दोघींना अटक
पोटातील 181 कॅप्सूलमध्ये सापडले 28 कोटींचे कोकेनImage Credit source: twitter
Follow us
| Updated on: May 28, 2022 | 3:46 PM

नवी दिल्ली : राजधानी दिल्लीच्या इंदिरा गांधी आंतरराष्ट्रीय विमानतळावर (IGIA) दोन महिलांना अंमली पदार्थाच्या तस्करीप्रकरणी अटक (Arrest) करण्यात आली आहे. या दोन्ही महिला युगांडातून आल्या होत्या. दोघींना विमानतळावर पकडल्यानंतर पोलिसांनी त्यांना दिल्लीतील राम मनोहर लोहिया रुग्णालयात नेले. तिथे डॉक्टरांनी दोन्ही महिलांच्या पोटातून 181 कॅप्सूल काढल्या. दोन्ही महिलांनी 181 कॅप्सूलमध्ये 2 किलो कोकेन (Cocaine) भरले होते. जप्त करण्यात आलेल्या कोकेनची आंतरराष्ट्रीय बाजारपेठेत किंमत 28 कोटी इतकी आहे. दोन दिवसांपूर्वी गुजरातच्या मुंद्रा बंदरातून तब्बल 500 कोटींचे कोकेन जप्त करण्यात आले होते. त्यापाठोपाठ दिल्लीत ही कारवाई करण्यात आली आहे. देशात अमली पदार्थांची तस्करी वाढल्याचे यावरून स्पष्ट होत आहे.

एक्सरे आणि वैद्यकीय तपासणीतून तस्करीचे बिंग फुटले!

सीमाशुल्क विभागाच्या अधिकाऱ्यांनी दिलेल्या माहितीनुसार, 22 मे रोजी युगांडाची एक महिला दिल्लीच्या इंदिरा गांधी आंतरराष्ट्रीय विमानतळावर पोहोचली. विमानतळावर उपस्थित अधिकार्‍यांना तिच्या हालचाली संशयास्पद वाटल्या. त्या संशयातून सीमाशुल्क अधिकाऱ्यांनी त्या महिलेची तपासणी केली. त्यावेळी त्या महिलेने पोटात एका कॅप्सूलमध्ये औषध लपवून ठेवल्याचे आढळून आले होते. यानंतर तेथील सीमाशुल्क अधिकाऱ्यांनी आवश्यक वैद्यकीय तपासणीसाठी महिलेला आरएमएल रुग्णालयात नेले. हॉस्पिटलमध्ये महिलेच्या पोटाचा एक्स-रे करण्यात आला असता तिच्या पोटात एकूण 80 कॅप्सूल असल्याचे आढळून आले. कॅप्सूल बाहेर आल्यावर सर्व कॅप्सूलमध्ये 957 ग्रॅम कोकेन भरल्याचे आढळून आले. आंतरराष्ट्रीय बाजारात या कोकेनची किंमत 14 कोटींहून अधिक आहे.

चार दिवसांनंतर, 26 मे रोजी दुसरी महिला युगांडातून आली. संशयावरून तिचीही तपासणी केली असता तिच्या पोटात 101 कॅप्सूल लपविल्याचे आढळून आले. त्यावर सीमाशुल्क अधिकाऱ्यांनी संशयाच्या आधारे त्या महिलेची चौकशी केली. त्यावेळी महिलेने पोटात कॅप्सूलमध्ये कोकेन लपवल्याचे मान्य केले. महिलेच्या पोटातील कॅप्सूलमध्ये सुमारे 891 ग्रॅम कोकेन होते. या जप्त करण्यात आलेल्या कोकेनची किंमत 13 कोटींहून अधिक आहे.

हे सुद्धा वाचा

अंमली पदार्थ तस्करीच्या मोठ्या रॅकेटचा पर्दाफाश होण्याची शक्यता

काही दिवसांच्या फरकाने एकापाठोपाठ दोन महिलांचा अंमली पदार्थांच्या तस्करीतील सहभाग उघडकीस आला. त्यामुळे सीमाशुल्क अधिकारी अलर्ट मोडवर आले आहेत. अंमली पदार्थ तस्करीचे नेटवर्क कोण चालवत आहे? तसेच महिलांनी पोटात लपवून आणलेल्या कोकेनची डिलिव्हरी कोठून आणि कोण घेऊन जाणार होते, याचा शोध घेण्याचा प्रयत्न सीमाशुल्क विभागाचे अधिकारी करीत आहेत. यातून तस्करीच्या मोठ्या रॅकेटचा पर्दाफाश होण्याची शक्यता आहे. (Two Ugandan women arrested at Delhi airport in drug trafficking case, cocaine worth Rs 28 crore seized)

बोलायला फोन, स्वतंत्र जेवण अन्..., देशमुखांच्या आरोपींचा राजेशाही थाट
बोलायला फोन, स्वतंत्र जेवण अन्..., देशमुखांच्या आरोपींचा राजेशाही थाट.
वक्फ बिलाबद्दल ठाकरेंच्या शिवसेनेची भूमिका अस्पष्टच
वक्फ बिलाबद्दल ठाकरेंच्या शिवसेनेची भूमिका अस्पष्टच.
जर बाळासाहेब असते तर तुम्ही..., श्रीकांत शिंदे संतापले
जर बाळासाहेब असते तर तुम्ही..., श्रीकांत शिंदे संतापले.
धसांच्या आरोपांवर किरण जाधवांनी बोलणं टाळलं, कॅमेरा बघताच ठोकली धूम
धसांच्या आरोपांवर किरण जाधवांनी बोलणं टाळलं, कॅमेरा बघताच ठोकली धूम.
दाऊदचा उजवा हात म्हणून ओळख; टायगर मेमन पुन्हा का आला चर्चेत
दाऊदचा उजवा हात म्हणून ओळख; टायगर मेमन पुन्हा का आला चर्चेत.
अंबरनाथच्या बँकेत मनसेचा राडा; अमराठी बँक मॅनेजरला धरलं धारेवर
अंबरनाथच्या बँकेत मनसेचा राडा; अमराठी बँक मॅनेजरला धरलं धारेवर.
'नाहीतर आमची आवस्था...', सदाभाऊ काय म्हणाले की सगळेच पोट धरून हसले
'नाहीतर आमची आवस्था...', सदाभाऊ काय म्हणाले की सगळेच पोट धरून हसले.
अबीर गुलालच्या प्रदर्शनाचा मुद्दा पेटला; मनसे आक्रमक
अबीर गुलालच्या प्रदर्शनाचा मुद्दा पेटला; मनसे आक्रमक.
कुणी पैसे काढून घेत असेल तर...लाडक्या बहिणींना पंकजाताई काय म्हणाल्या?
कुणी पैसे काढून घेत असेल तर...लाडक्या बहिणींना पंकजाताई काय म्हणाल्या?.
धनंजय देशमुख अजित पवारांच्या भेटीसाठी दाखल
धनंजय देशमुख अजित पवारांच्या भेटीसाठी दाखल.