Happy Birthday Sumona Chakravarti: बालकलाकार ते कॉमेडी शो मधील ‘भूरी’ पर्यंतचा अभिनेत्री सुमोना चक्रवर्तीचा प्रवास
'कॉमेडी नाइट्स विथ कपिल' विथ कपिल शर्मा मधील सुमोना चक्रवर्ती ही अशी जोडी बनली जी अलीकडेच 'द कपिल शर्मा शो'च्या टेलिकास्टपर्यंत कायम होती. कपिलच्या शोमध्ये भुरीच्या पात्राने सुमोनाला नाव, ओळख दिली होती.
मोठ्या पडद्यावरुन छोट्या पडद्याकडे पाऊल टाकणारी अभिनेत्री सुमोना चक्रवर्ती आज तिचा वाढदिवस साजरा करत आहे. सुमोना ही छोट्या पडद्यावरील प्रसिद्ध अभिनेत्री आहे. सुरुवातीच्या दिवसांपासून कपिल शर्मासोबत कॉमेडी शोमध्ये दिसणारी सुमोना 'भूरी' हे प्रसिद्ध पात्राच्या भूमिकेत दिसून आली होती.
सुमोना चक्रवर्ती एक प्रसिद्ध टीव्ही अभिनेत्री आहे. सुमोनाचा जन्म 24 जून 1988 रोजी लखनऊ येथे झाला. सुमोनाने 1999 मध्ये आमिर खानच्या 'मन' या चित्रपटातून बालकलाकार म्हणून तिच्या करिअरची सुरुवात केली होती, मात्र सुमोनाला छोट्या पडद्यावरून लोकप्रियता मिळाली.
सुमोना चक्रवर्ती वयाच्या 11 व्या वर्षी पहिल्यांदा रुपेरी पडद्यावर दिसली. सुमोनाला बॉलिवूडच्या मिस्टर परफेक्शनिस्टसोबत काम करण्याची संधी मिळाली. आमिर खान आणि मनीषा कोईराला यांचा 'मन' हा चित्रपट 1999 मध्ये प्रदर्शित झाला होता आणि या चित्रपटात सुमोनाने बाल कलाकाराची भूमिका केली होती.
'मन' हा चित्रपट सुपरहिट ठरला होता पण त्यानंतर सुमोनाने इतर कोणत्याही चित्रपटात काम न करता आपले शिक्षण पूर्ण केले. बऱ्याच दिवसांनी टीव्ही क्वीन एकता कपूरने यंग सुमोनाला ब्रेक दिला.
एकता कपूरने 'कसम से'मध्ये सुमोनाला कास्ट केले होते. या मालिकेत प्राची देसाई आणि राम कपूरसोबत काम केले आहे. याशिवाय सुमोना 'डिटेक्टिव डॉल', 'कस्तुरी' सारख्या शोचा भाग आहे.
पण सुमोना चक्रवर्तीला 2011 मध्ये टीव्ही सीरियल 'बडे अच्छे लगते हैं' मधून लोकप्रियता मिळाली. एकता कपूरच्या या शोमध्ये नताशाची भूमिका साकारून सुमोना प्रेक्षकांची आवडती अभिनेत्री बनली होती.
सुमोना चक्रवर्तीने यानंतरही अनेक शोमध्ये काम केले पण जेव्हा ती कॉमेडी शोचा भाग बनली तेव्हा तिच्या कॉमिक टायमिंगनेही प्रेक्षकांना खूप हसवले.
'कॉमेडी नाइट्स विथ कपिल' विथ कपिल शर्मा मधील सुमोना चक्रवर्ती ही अशी जोडी बनली जी अलीकडेच 'द कपिल शर्मा शो'च्या टेलिकास्टपर्यंत कायम होती. कपिलच्या शोमध्ये भुरीच्या पात्राने सुमोनाला नाव, किंमत दिली होती
सुमोनाने छोट्या पडद्यावर गंभीर ते विनोदी अशा सर्व प्रकारच्या भूमिकांमध्ये स्वत:ला सिद्ध केले आहे. सुमोनाने अलीकडेच 'शोनार बांग्ला' हा बंगाल ट्रॅव्हल शो होस्ट केला आहे.
