Chhaava : ‘छावा’मध्ये औरंगजेब साकारणाऱ्या 49 वर्षांच्या अक्षय खन्नाने अजून लग्न का नाही केलं?
Chhaava : सध्या सगळीकडे 'छावा' चित्रपट गाजतोय. विकी कौशलने छत्रपती संभाजी महाराजांची भूमिका केली आहे. अक्षय खन्ना औरंगजेबाच्या भूमिकेत आहे. बॉक्स ऑफिसवर हा चित्रपट तुफान यशस्वी ठरला आहे.
अक्षय खन्ना हे बॉलिवूडमधील एक मोठ नाव आहे. स्टार किड असूनही त्याचं करिअर फार चांगलं चाललं नाही. सध्या तो छावा चित्रपटामुळे चर्चेत आहे. यात त्याने औरंगजेबाची भूमिका साकारली आहे.
चित्रपटाशिवाय तो पर्सनल लाइफमुळे सुद्धा चर्चेत असतो. त्याच्या लग्न न करण्याबद्दल अनेकदा प्रश्न विचारले जातात. एका जुन्या इंटरव्यूमध्ये त्याला लग्न न करण्याच कारण विचारण्यात आलं. त्यावर त्याने सलमान खानच नाव घेतलं.
सलमान खानने लग्न केल्यानंतर मी लग्न करीन असं अक्षय गमतीने म्हणाला. कारण सलमान माझ्यापेक्षा वयाने मोठा आणि सिनिअर आहे, असं अक्षय खन्ना म्हणालेला.
लोक सतत लग्न कधी करणार? म्हणून विचारायचे, त्याने मी हैराण झालेलो. म्हणून मी असं उत्तर दिलं. सलमान खानच नाव मस्करीत घेतल्याच अक्षय खन्नाने कबूल केलेलं.
लग्न न करण्याच्या निर्णयाबद्दल अक्षय खन्ना म्हणाला की, त्याला आपल्या आयुष्यात कुठली जबाबदारी नकोय. जर कोणी मिळालं, तर विचार करेन असं तो म्हणालेला.
