ज्येष्ठ अभिनेते अशोक सराफ आणि अभिनेत्री निवेदिता सराफ यांच्या लग्नाला आज 35 वर्षे पूर्ण झाली. या खास दिवशी निवेदिता सराफ यांनी हा खास फोटो शेअर केला आहे. लग्नाला 35 वर्षे झाली, असं निवेदिता सराफ म्हणाल्या आहेत.
प्रेमाला कशाचंही बंधन नसतं, असं म्हणतात तसंच काहीसं या दोघांसोबत घडलं... अशोक सराफ आणि निवेदिता सराफ या दोघांच्या वयामध्ये 18 वर्षांचं अंतर आहे. पण तरिही हे दोघे एकमेकांच्या प्रेमात पडले अन् या दोघांच्या सुखी संसाराला आज 35 वर्षे पूर्ण होत आहेत.
'डार्लिंग - डार्लिंग' या नाटकावेळी निवेदिता यांच्या वडिलांनी या दोघांची ओळख करून दिली. पुढे मामला पोरीचा या सिनेमासाठी अशोक सराफ आणि निवेदिता या दोघांची निवड करण्यात आली. या सिनेमाच्या सेटवर या दोघांची मैत्री वाढली.
'मामला पोरीचा' या सिनेमाच्या सेटवर दोघांची मैत्री फुलली. पुढे 'नवरी मिळे नवऱ्याला' या सिनेमाच्या सेटवर मैत्रीसोबतच प्रेमही फुललं अन् दोघे एकमेकांच्या प्रेमात पडले. पुढे गोव्यातील मंगेशीच्या मंदिरात लग्नगाठ बांधली.
अशोक सराफ आणि व निवेदिता सराफ यांच्या वयात 18 वर्षांचं अंतर असल्याने निवेदिता सराफ यांच्या आईचा या नात्याला विरोध होता. तसंच सिनसृष्टीतील व्यक्तीबरोबर निवेदिता यांनी लग्न करू नये, अशीही त्यांची इच्छा होती. पण निवेदिता यांच्या मोठ्या बहिणीने आईला समजावलं अन् या दोघांचं लग्न झालं.