ED कडून सोनिया गांधीच्या चौकशी विरोधात काँग्रेसची देशभर आंदोलने
ईडीच्या सूत्रांनी दिलेल्या माहितीनुसार, सहाय्यक संचालक दर्जाच्या अधिकाऱ्याकडून सोनिया गांधी यांची चौकशी केली जाईल. हा अधिकारी या प्रकरणाच्या तपासात सहभागी असलेल्या अधिकाऱ्यांपैकी एक असेल. सहसंचालक दर्जाचा अधिकारी चौकशीचे पर्यवेक्षण करेल.
काँग्रेस नेत्या सोनिया गांधी यांना अंमलबजावणी संचालनालयाकडून मनी लाँडरिंग प्रकरणात चौकशी केल्याच्या निषेधार्थ गुरुवारी देशव्यापी आंदोलन करण्यात आले आहे.
नॅशनल हेराल्ड प्रकरणात काँग्रेसच्या हंगामी अध्यक्षा सोनिया गांधी यांच्या ईडीच्या चौकशीला विरोध करणारे पक्षाचे ज्येष्ठ नेते शशी थरूर, मुख्यमंत्री अशोक गेहलोत, सचिन पायलट यांच्यासह अनेक काँग्रेस कार्यकर्त्यांना दिल्ली पोलिसांनी ताब्यात घेतले आहे.
सोनिया गांधी यांचे वय 70 वर्षांपेक्षा जास्त आहे, त्यांनी घरी येऊन ईडीने चौकशी करायला हवी होती. यावेळी ईडीचा गैरवापर होत असल्याचे सर्वश्रुत आहे, ही काही नवीन गोष्ट नाही.असा आरोप काँग्रेस नेत्यांनी केला आहे
नॅशनल हेराल्ड प्रकरणात हजर राहण्यासाठी काँग्रेसच्या अंतरिम अध्यक्षा सोनिया गांधी त्यांच्या निवासस्थानातून ईडी कार्यालयाकडे रवाना झाल्या आहेत. त्याच्यासोबत राहुल आणि प्रियांका देखील आहेत.
ईडीच्या सूत्रांनी दिलेल्या माहितीनुसार, सहाय्यक संचालक दर्जाच्या अधिकाऱ्याकडून सोनिया गांधी यांची चौकशी केली जाईल. हा अधिकारी या प्रकरणाच्या तपासात सहभागी असलेल्या अधिकाऱ्यांपैकी एक असेल. सहसंचालक दर्जाचा अधिकारी चौकशीचे पर्यवेक्षण करेल. सोनिया गांधी यांची प्रकृती पाहता त्यांच्यासोबत एका व्यक्तीला ईडी कार्यालयात जाण्याची परवानगी देण्यात आली आहे.
ईडच्या चौकशी काँग्रेस नेत्या सोनिया गांधी यांनी चौकशीसाठी बोलावण्यात आल्याने ईडीच्या कार्यालयाबाहेर कडक सुरक्षा व्यवस्था तैनात करण्यात आली आहे.
