अजित पवार यांचा लेक जय पवारांचा शाही साखरपुडा, पहिले फोटो समोर
उपमुख्यमंत्री अजित पवार यांचा मुलगा जय पवार यांचा आज पुण्यात (10 एप्रिल) साखरपुडा पार पडला.
जय पवार यांचा साखरपुडा सोशल मीडिया कंपनी सांभाळणारे प्रवीण पाटील यांची मुलगी ऋतुजा पाटील यांच्यासोबत पार पडला.
पुण्यातील अजित पवारांच्या फार्महाऊसवर या साखरपुडा सोहळ्याचे आयोजन करण्यात आले होते.
या कार्यक्रमाच्या निमित्ताने शरद पवार, सुप्रिया सुळे, अजित पवार यांसह संपूर्ण पवार कुटुंब एकत्र आल्याचे पाहायला मिळाले.
या सोहळ्यासाठी मोजकेच नातेवाईक आणि पक्षातील पदाधिकारी उपस्थित होते.
यावेळी अजित पवारांच्या पत्नी खासदार सुनेत्रा पवार यांनी भावी सुनेला हळद, कुंकू लावत भेटवस्तू देत तिचे पवार कुटुंबात स्वागत केले.
या साखरपुड्यासाठी जय पवार आणि ऋतुजा पाटील यांनी पांढऱ्या रंगाचे आऊटफिट परिधान केले होते.
जय पवार यांच्या होणाऱ्या पत्नी पवार कुटुबांच्या भावी सूनबाई ऋतुजा पाटील या सोशल मीडिया कंपनी सांभाळणारे साताऱ्यातील फलटणचे प्रविण पाटील यांच्या कन्या आहेत.
ऋतुजा पाटील या उच्चशिक्षित आहेत. जय पवार आणि ऋतुजा पाटील हे गेल्या काही वर्षांपासून एकमेकांना ओळखतात.
