Jr NTR : दाक्षिणात्य अभिनेता ज्युनिअर NTR बाबतच्या ‘या’ खास गोष्टी घ्या जाणून
राजामौली दिग्दर्शित केलेल्या या चित्रपटाने ज्युनियर एनटीआर रातोरात स्टार बनले. ज्युनियर एनटीआर यांना अभिनयाचा वारसा कुटुंबातूनच मिळाला आहे. कुटुंबातील बहुतांश सदस्य चित्रपटसृष्टीशी संबंधित आहेत.
दाक्षिणात्य सुपरस्टार ज्युनियर एनटीआर केवळ दक्षिणेतच नाही तर देशभरात प्रसिद्ध आहे. त्याचे चित्रपट चाहत्यांना खूप आवडतात. 20 मे 1983 रोजी हैदराबादमध्ये जन्मलेल्या ज्युनियर एनटीआर यांना तारक म्हणूनही ओळखले जाते. ज्युनियर एनटीआरने 2001 मध्ये चित्रपटांमध्ये काम करण्यास सुरुवात केली. या चित्रपटाचे नाव होते ' स्टुडंट्स नंबर 1'.
राजामौली दिग्दर्शित केलेल्या या चित्रपटाने ज्युनियर एनटीआर रातोरात स्टार बनले. ज्युनियर एनटीआर यांना अभिनयाचा वारसा कुटुंबातूनच मिळाला आहे. कुटुंबातील बहुतांश सदस्य चित्रपटसृष्टीशी संबंधित आहेत.
एनटी रामाराव हे ज्युनियर एनटीआरचे आजोबा होते. ते एनटीआर या नावाने प्रसिद्ध होते. एनटीआर अभिनेता, निर्माता राजकारणात कार्यरत होते. त्यांनी आंध्र प्रदेशचे मुख्यमंत्री म्हणूनही काम केले होते. नंदामुरी हरिकृष्ण हे ज्युनियर एनटीआरचे वडील आहेत. तेही अभिनेता व राजकारणातही सक्रिय होते.
'कौन बनेगा करोडपती'च्या तेलुगु व्हर्जनमध्ये खुलासा करताना असे सांगण्यात आले की, एकेकाळी केवळ त्याचा अभिनय आवडणारे त्याचे चाहतेच त्याच्या लठ्ठपणाची खिल्ली उडवत असत.
यानंतर ज्युनिअर एनटीआरने आपले वजन कमी करण्यास सुरुवात केली, ज्यासाठी एनटीआरने डायटिंग आणि व्यायाम करून वजन कमी करण्याचा प्रवास सुरू केला. एका मीडिया रिपोर्टमध्ये असा दावा करण्यात आला होता की, दिग्दर्शक पुरी जगन्नाथ यांच्या सांगण्यावरून त्याने वजन कमी केले होते.
