टीम इंडियाने इंग्लंडविरूद्धच्या चौथ्या कसोटी सामन्यामध्ये पाच विकेटने विजय मिळवला. ध्रुव जुरेल हा कसोटी सामन्याचा हिरो ठरला. सामना झाल्यानंतर त्याला मॅन ऑफ द मॅच म्हणून गौरवण्यात आलं.
ध्रव जुरेल याला सामन्यानंतर बक्षीस म्हणून जुरेस याला महागडी कार मिळणार असल्याचं बोललं जात होतं. जुरेल याने पहिल्या डावात 90 तर दुसऱ्या डावात नाबाद 39 धावांची खेळी करत संघाच्या विजयात महत्त्वाची भूमिक बजावली होती.
एमजी हेक्टर या कंपनीकडून ही कार गिफ्ट म्हणून मिळणार असल्याचं बोललं जात होतं. मात्र कंपनीने ट्विट डीलिट केलं आहे. जुरेल याला फक्त शुभेच्छा देण्यासाठी ते ट्विट केलं होतं. सोशल मीडियावर कार मिळणार असल्याची अफवा झालेली पाहायला मिळाली.
तिसऱ्या कसोटी सामन्यामध्ये सर्फराज खान याने पदार्पण करताना दोन्ही डावात अर्धशतक केल्यानंतर त्याच्या वडिलांना आनंद महिंद्र यांनी थार कार देण्याचा निर्णय घेतला होता.
ध्रुव जुरेल याला कोणतीही कार मिळणार नाही हे आता स्पष्ट झालं आहे. अफवा उठल्यामुळे सर्वांनी बातम्या केल्या मात्र प्रत्यक्षात त्या फक्त शुभेच्छा होत्या. कारची काही अपेक्षा नाही पण जुरेलसारखा तगडा खेळाडू टीम इंडियाला मिळाला आहे.