पहिल्याच परीक्षेत शिवाने मारली बाजी; गुरुजींकडून मिळाला खास आशिर्वाद
शिवा संसाराची कसोटी यशस्वीपणे पार करू शकेल का? शिवाला या नवीन आयुष्यात आशुच्या मैत्रीची साथ लाभेल का? शिवा-आशुचं लग्न झालंय हे कळल्यावर दिव्या काय करेल? हे प्रेक्षकांना मालिकेच्या आगामी भागात पहायला मिळेल. 'शिवा' ही मालिका सोमवार ते शुक्रवार रात्री 9 वाजता झी मराठी वाहिनीवर प्रदर्शित होते.
झी मराठी वाहिनीवरील 'शिवा' या मालिकेत शिवा आणि आशूच्या लग्नानंतरचे सोहळे सुरुच आहेत आणि त्यातलीच एक परंपरा आहे ती म्हणजे नवदाम्पत्याचे देव दर्शन. आशु-शिवा सुद्धा मंदिरात देवदर्शनासाठी पोहोचले आहेत. त्याचवेळेस तिथे चंदन- दिव्याही येतात.
मंदिराच्या पायऱ्या चढत असताना शिवाचा तोल जातो. पण आशू तिला सावरतो. इथे तर आशुने शिवाला सावरलं पण सीताईसमोर शिवाची बाजू कोण घेईल? तिच्या पाठीशी कोण उभं राहील?
मंदिरात गोत्र विचारल्यावर शिवाची तारांबळ उडते आणि सीताईला शिवावर रागवायची अजून एक संधी मिळते. पण यावेळी भाऊ शिवाला सांभाळून घेतात. शिवाने पूजेसाठी बनवलेला प्रसाद उत्तम झाला आहे, असं गुरूजी सांगताच रामभाऊंच्या चेहऱ्यावर आनंद दिसतो.
शिवाने पहिली परीक्षा पार केली म्हणून रामभाऊ तिचं कौतुक करतात. तर शिवा आणि आशुला एकत्र पाहून दिव्याची खूप चिडचिड होते. मंदिराच्या परिसरात गुरूजी भेटतात. गुरूजी दुर्गेच्या रूपातील सून मिळाली असं सर्वांसमोर सांगतात.
हीच मुलगी तुमच्या मुलासाठी योग्य असल्याचं भाकीत खरं ठरल्याचं गुरूजी आठवण करून देतात आणि शिवाला बाजूला घेऊन दोघांमधले गैरसमज संपले की नातं एकदम सुंदर होईल असं सांगतात. शिवा आशुला मित्र बनून राहूयात असा सल्ला देते.