IPL 2022: फक्त दोन मॅचसाठी सूर्यकुमारच्या जागी Mumbai Indians च्या संघात स्थान मिळवणारा आकाश मधवाल कोण आहे?
IPL 2022 चा सीजन Mumbai Indians कधीच लक्षात ठेवणार नाही. या सीजनमध्ये त्यांनी सर्वात खराब कामगिरी केली. सलग आठ सामने मुंबईने गमावले. प्लेऑफच्या शर्यतीतून बाहेर पडणारा मुंबई इंडियन्स पहिला संघ ठरला.
IPL 2022 चा सीजन Mumbai Indians कधीच लक्षात ठेवणार नाही. या सीजनमध्ये त्यांनी सर्वात खराब कामगिरी केली. सलग आठ सामने मुंबईने गमावले. प्लेऑफच्या शर्यतीतून बाहेर पडणारा मुंबई इंडियन्स पहिला संघ ठरला.
मुंबईने तीन सामने जिंकले. पण तो पर्यंत खूप उशिर झाला होता. मुंबईचा स्टार फलंदाज सूर्यकुमार यादवच्या दुखापतीनेही मुंबईच्या अडचणी वाढवल्या. सूर्यकुमार आयपीएलचे उर्वरित सामने खेळू शकणार नाहीय. मुंबईने आता उर्वरित दोन सामन्यांसाठी आकाश मधवालची निवड केली आहे.
सूर्यकुमार यादव दुखापतीमुळे पहिले दोन सामने खेळू शकला नव्हता. सूर्यकुमार एकूण आठ सामने खेळला. त्याने 303 धावा केल्या. यात तीन अर्धशतकं होती.
सूर्यकुमार यादवच्या जागी संघात स्थान मिळवणारा 28 वर्षांचा आकाश मधवाल उत्तराखंड क्रिकेट टीमचा सदस्य आहे. तो मध्यमगती वेगवान गोलंदाज आहे. त्याने 15 टी 20 सामन्यात 26.60 च्या सरासरीने 15 विकेट घेतल्यात. त्याचा इकोनॉमी रेट 7.55 आहे. त्याशिवाय 6 फर्स्ट क्लास आणि लिस्ट ए चे 11 सामने खेळला आहे. त्यात त्याने 22 विकेट काढल्यात.
आकाश मधवाल मुंबई इंडियन्सच्या सपोर्ट टीमचा भाग होता. नेट्समध्ये चांगली गोलंदाजी करत असल्याने त्याची निवड झाली आहे. मुंबई इंडियन्सने 20 लाख रुपयांच्या बेस प्राइसवर त्याला विकत घेतलं आहे.